পুনৰ বিফল অসম-নাগালেণ্ড সীমা বিবাদৰ শান্তি আলোচনা

যোৰহাট জিলা প্ৰশাসন আৰু নাগালেণ্ডৰ মোকচাঙ প্ৰশাসনৰ মাজত হোৱা সীমা বিবাদৰ শান্তি আলোচনা পুনৰ বিফল ৷ দিছৈ ভেলী সংৰক্ষিত ভূমিৰ পৰা নগা আৰক্ষীৰ চাউনী আঁতৰোৱা আৰু অনিদিষ্টকালীন অৰ্থনৈতিক অৱৰোধ ঘোষণাৰ দাবীৰে বিগত দিনত দল সংগঠন সমূহে প্ৰতিবাদ কৰি আহিছিল ৷ ইয়াৰ সমাধানৰ বাবেই বুধবাৰে নাগালেণ্ডৰ মোকচাঙ প্ৰশাসন আৰু যোৰহাট জিলা প্ৰশাসনৰ মাজত জিলা আৱৰ্ত ভৱনত এক বৈঠক অনুষ্ঠিত হৈছিল ৷

মৰিয়নী,25 নৱেম্বৰ : ক্ৰমাত বৃদ্ধি পাইছে অসম-নাগালেণ্ডৰ সীমান্ত বিবাদ ৷ দিছৈ ভেলী সংৰক্ষিত ভূমিৰ পৰা নগা আৰক্ষীৰ চাউনী আঁতৰোৱাৰ দাবীৰে বিগত দিনত দল সংগঠন সমূহে প্ৰতিবাদ কৰি আহিছে ৷ দল সংগঠনৰ প্ৰতিবাদৰ পাছতে অসম আৰক্ষীয়েও এটা কেম্প স্থাপন কৰে নগা আৰক্ষীৰ চাউনীৰ ওচৰতে ৷ ইফালে অসমৰ মাটিত নগা এনে কাৰ্যৰ বিৰুদ্ধে বিভিন্ন দল সংগঠনে নাগালেণ্ডৰ বিৰুদ্ধে অনিদিষ্টকালীন অৰ্থনৈতিক অৱৰোধ ঘোষণা কৰিছে ৷

সীমা বিবাদ আৰু অৰ্থনৈতিক অৱৰোধ এই দুই বিষয়ৰ লগতে শান্তি সম্প্ৰতি বৰ্তাই ৰখাৰ বাবে বুধবাৰে নাগালেণ্ডৰ মোকচাঙ প্ৰশাসন আৰু যোৰহাট জিলা প্ৰশাসনৰ মাজত জিলা আৱৰ্ত ভৱনত এক বৈঠক অনুষ্ঠিত হয় যদিও ইয়াৰ কোনো স্থায়ী সমাধান নোলাল ৷ সমগ্ৰ বিষয়টো অমীমাংসিত হৈ ৰ'ল ৷ এই বৈঠকত যোৰহাট জিলা উপায়ুক্ত, মোকচাঙ উপায়ুক্তৰ লগতে আৰক্ষী অধীক্ষক আৰু DFO চেন্টি টোলা আওবে অংশ গ্ৰহণ কৰে ৷

লগতে পঢ়ক :হাতী খেদিবলৈ যোৱা বনকৰ্মীক আক্ৰমণ ৰাইজৰ