টীয়ক,19 ছেপ্টেম্বৰ: সদ্য ঘোষিত অসম আৰক্ষীৰ নিযুক্তিৰ ফলাফলত সুখ্যাতিৰে উত্তীৰ্ণ হৈ চৰ্চাত টীয়কৰ জেলেঙীটোপৰ ৰিদীপ শইকীয়া (Assam Police Recruitment 2022)। টীয়ক সমষ্টিৰ বান বিধস্ত অতিকৈ ভিতৰুৱা অঞ্চল জেলেঙীটোপৰ পৰিশ্ৰমী যুৱক ৰিদীপে দেওবাৰে ঘোষিত অসম আৰক্ষীৰ পৰীক্ষাত উত্তীৰ্ণ হৈ সমগ্ৰ অঞ্চলটোতে আনন্দৰ বন্যা বিয়পাবলৈ সক্ষম হৈছে ।
উল্লেখযোগ্য যে, শৈশৱতে মাতৃহাৰা হোৱা ৰিদীপৰ পিতৃ দ্বিজেন শইকীয়াই অতি কষ্টেৰে ডাঙৰ-দীঘল কৰিছিল ৰিদীপ আৰু তেওঁৰ ভনীয়েকক । অৱশেষত যেন ৰিদীপৰ পিতৃৰ কষ্টই সাৰ্থক ৰূপ লাভ কৰিলে ৷ অসম আৰক্ষীৰ নিযুক্তি পৰীক্ষাত সফল হ'ল ৰিদীপ শইকীয়া ৷ এই সুখবৰ বিয়পি পৰাৰ লগে লগে ৰিদীপৰ ঘৰত শুভাকাংক্ষীৰ ভিৰ হোৱা পৰিলক্ষিত হৈছে ৷
পিতৃৰ ওঁঠত হাহিঁ বিৰিঙালে টীয়কৰ ৰিদীপ শইকীয়াই