যোৰহাট, 21 মে': ৰাষ্ট্ৰ সংঘই 21 মে'ৰ দিনটো আন্তৰ্জাতিক চাহ দিৱস হিচাপে ঘোষণা কৰাৰ পাছত বৃহস্পতিবাৰে প্ৰথম বাৰৰ বাবে অসমৰ চাহ বাগিচা সমুহত অনুষ্টুপীয়াকৈ উদযাপন কৰা হৈছে আন্তৰ্জাতিক চাহ দিৱস ৷ দেশত চলি থকা লক ডাউনৰ ফলত বৃহৎ লোকচানৰ সন্মুখীন হৈছে অসমৰ চাহ উদ্যোগটো ৷ তথাপিও আন্তজাতিক চাহ দিৱস হিচাপে ঘোষণা কৰাৰ পাছত প্ৰথম বাৰৰ বাবে উদযাপন হোৱা এই দিৱসটো যোৰহাট জিলা উপায়ুক্তৰ কাৰ্যালয়ৰ সন্মুখত অনুষ্টুপীয়াকৈ উযাপন কৰে উত্তৰ পূৱ চাহ সংস্থা চমুকৈ NETA ই ৷ ইয়াৰ লগত সংগতি ৰাখি যোৰহাটৰ জিলাৰ চেনিজানস্থিত অন্যতম অগ্ৰণী চাহ উদ্যোগ শ্যাম টিৰ স্বত্বাধিকাৰী কমল জালানে সকলোকে জনাইছে আন্ত:ৰাষ্ট্ৰীয় চাহ দিৱসৰ শুভেচ্ছা ৷ লগতে কোনো কাৰণতে ক্ষুদ্ৰ চাহ খেতিয়কসকলক শংকিত তথা হতাশ নহবলৈ আহ্বান জনাইছে কমল জালানে ৷
আন্তজাতিক চাহ দিৱসত ক্ষুদ্ৰ চাহ খেতিয়কলৈ উদ্যোগপতি কমল জালানৰ বিশেষ আহ্বান