টীয়ক, 1 মে':বৰ্তমান লক্ ডাউন হৈ পৰিছে কৃষি কৰ্মৰ লগত জড়িত লোকসকলৰ বাবে অভিশাপ স্বৰূপ । ৰাজ্যৰ ভিন্ন প্ৰান্তৰ খেতিয়কৰ উৎপাদিত ফচল বিক্ৰীৰ অভাৱত হয়তো পেলাই দিবলগীয়া হৈছে নতুবা খেতিপথাৰতে নষ্ট হৈছে । কিন্তু টীয়কৰ বলমা মৰাণ গাঁৱৰ এহাল দম্পতী এতিয়া সকলোৰে বাবে আদৰ্শ হৈ পৰিছে ।
উল্লেখ্য যে, নৱনিধি গগৈ নামৰ খেতিয়ক গৰাকী আৰু তেওঁৰ পত্নীয়ে লক্ ডাউনৰ সময়তো বৈজ্ঞানিক পদ্ধতি অৱলম্বন কৰি কৰা ভোঁট জলকীয়া, নেমু তথা বিভিন্ন পাচলিৰ খেতিৰে স্বাৱলম্বী হৈছে । তেওঁলোকে দৈনিক ৮-10 কেজি পৰ্যন্ত পাচলি বিক্ৰী কৰিছে বুলি জানিবলৈ দিয়ে । লক্ ডাউনৰ সময়তো তেওঁলোকে প্ৰতিদিনে ৫-৮ হাজাৰ টকা উপাৰ্জন কৰিছে । প্ৰায় ৪ বিঘা মাটিত ভোঁট জলকীয়া, 3 বিঘা মাটিত নেমুৰ খেতি কৰিছে নৱনিধি গগৈয়ে ।
লগতে পঢ়কঃভালুকৰ সাঙীত পৰিণত চৰকাৰী আঁচনি : জৰাজীৰ্ণ ঘৰতেই আশ্ৰয় দম্পতীৰ
