যোৰহাট, 11 ছেপ্টেম্বৰ : বৃহস্পতিবাৰে নিশা যোৰহাট আৰক্ষীয়ে লাভ কৰে এক বৃহৎ সফলতা । যোৰহাটৰ ম'ষ্ট ৱান্টেড অপৰাধী ‘পচাক’ গ্ৰেপ্তাৰ কৰিবলৈ সক্ষম হয় যোৰহাট আৰক্ষী । এক বিশেষ সূত্রৰ খবৰৰ ভিত্তিত যোৰহাটৰ উপ আৰক্ষী অধীক্ষক বিভাষ দাসৰ নেতৃত্বত যোৱা এটা দলে ৰমেশ বাচফৰ ওৰফে ‘পচা’ক আন ৮ জন জুৱাৰীৰৰ সৈতে হৰিজন কলনিৰ পৰা হাতে-লোটে ধৰিবলৈ সক্ষম হয় ।
বহু বছৰ ধৰি ৰমেশ বাচফৰ ওৰফে ‘পচা’ই আৰক্ষীৰ চকুত ধুলি দি হৰিজন কলনিৰ নিজ বাসভৱনত জুৱাৰ এক বৃহৎ আড্ডা গঢ়ি তুলিছিল । জুৱাৰ এই আড্ডাত দৈনিক লাখ লাখ টকাৰ জুৱা খেল অনুষ্ঠিত হৈ আহিছিল । বহু চেষ্টা কৰিছিল যদিও অতিকৈ চতুৰ ‘পচা’ক কৰায়ত্ত কৰিবলৈ সক্ষম হোৱা নাছিল যোৰহাট আৰক্ষী । কিন্তু বৃহস্পতিবাৰে ডি এচ পি বিভাষ দাসৰ নেতৃত্বত যোৱা এটা দলে আন ৮ জন জুৱাৰীৰসহ ‘পচা’ক হাতে লোটে ধৰিবলৈ সক্ষম হয় ।
যোৰহাট আৰক্ষীৰ জালত ম’ষ্টৱান্টেড ‘পচা’