যোৰহাটত পুনৰ সংঘটিত ধন লুটৰ ঘটনা

ৰাজ্যত অব্যাহত আছে চিলনী চোৰৰ সন্ত্ৰাস ৷ যোৰহাটত মহিলাৰ পৰা চিলনী চোৰে থপিয়াই নিলে এক লাখ টকা ৷

যোৰহাট,17 মাৰ্চঃ যোৰহাটত পুনৰ চিলনী চোৰৰ সন্ত্ৰাস । মহিলাৰ পৰা থপিয়াই নিলে এক লাখ টকা ।

উল্লেখযোগ্য যে, যোৰহাটৰ মালৌ আলি কমলাবৰীয়া অঞ্চলৰ এগৰাকী মহিলাই যোৰহাট চিকিৎসা মহাবিদ্যালয়ৰ ওচৰত এখন অট'ৰ পৰা নামিবলৈ লোৱা সময়তে ক'লা ৰঙৰ নম্বৰ প্লেটবিহীন মটৰ চাইকেলত অহা হেমলেট পৰিধান কৰা এটা চিলনী চোৰে থপিয়াই লৈ যায় তেওঁৰ টকাৰ বেগ ৷ জানিব পৰা মতে, ভাৰতীয় ষ্টেট বেংকৰ মুখ্য শাখাৰ পৰা ধন খিনি উলিয়াইছিল মহিলাগৰাকীয়ে ৷ ইতিমধ্যে যোৰহাট সদৰ আৰক্ষীয়ে মটৰ চাইকেল আৰোহীক বিচাৰি তদন্ত কৰিছে যদিও বৰ্তমানেও চোৰটোৰ সম্ভেদ উলিয়াবলৈ সক্ষম হোৱা নাই ।

লগতে পঢ়কঃগুৱাহাটীত আটক তিনিগৰাকীকৈ ইৰাণী দলৰ সদস্য