যোৰহাট, 2 মে’: এতিয়াৰ পৰা যোৰহাটবাসী ৰাইজে ঔষধি গুণযুক্ত আৰু জৈৱিক খাদ্যৰ বাবে হাহাকাৰ কৰিব নালাগে ৷ যোৰহাটত নগৰবাসীৰ সুবিধাৰ্থে শীঘ্ৰেই মুকলি হ’ব ভ্ৰাম্যমাণ কৃষকৰ দোকান ৷ যোৰহাটৰ বিভিন্ন অঞ্চলত মুকলি কৰা হ’ব এই ভ্ৰাম্যমাণ কৃষকৰ দোকান ৷ প্ৰাকৃতিক তথা জৈৱিকভাৱে উৎপাদিত শাক-পাচলি উপলব্ধ হ’ব এই ভ্ৰাম্যমাণ কৃষকৰ দোকানত ৷ নাবাৰ্ডৰ সহযোগত, যোৰহাটৰ বিভিন্ন অঞ্চলতমুকলি কৰা হ’ব এই ভ্ৰাম্যমাণ কৃষকৰ দোকান সমূহ (Mobile farmer shops at Jorhat) ৷
ভ্ৰাম্যমাণ কৃষকৰ দোকানত প্ৰাকৃতিকভাৱে উৎপাদিত শাক-পাচলিয়ে স্থান পাব ৷ এই কৃষকৰ দোকানত ঔষধি গুণযুক্ত ঢেকীয়া, ঔ-টেঙা, ভেদাইলতা, মানিমুনি আদি বিশেষ ভাৱে উপলব্ধ হ’ব ৷ ফলত জৈৱিক আৰু প্ৰাকৃতিকভাৱে উৎপাদিত সুস্বাদু শাক-পাচলিৰ সোৱাদ ল'ব পাৰিব যোৰহাট নগৰবাসীয়ে (Mobile farmer shops will soon be introduced) ৷
উত্তৰ পশ্চিম যোৰহাট কৃষক উৎপাদক কোম্পানী (North West Jorhat Farmers Producer Company) ৰ উদ্যোগত, উত্তৰ পশ্চিম উন্নয়ন খণ্ডৰ অন্তৰ্গত কৃষক সকলৰ উৎপাদন বৃদ্ধি আৰু অৰ্থনৈতিক উন্নয়নৰ কাৰণে, অসম কৃষি বিশ্ববিদ্যালয়ৰ তত্ত্বাৱধানত ৰাষ্ট্ৰীয় কৃষি আৰু গ্ৰামোন্নয়ন বেংক (NABARD)ৰ সহযোগত কৃষক সকলৰ বিভিন্ন ধৰণৰ উন্নয়নমুখী তথা স্ব-নিৰ্ভৰশীল হোৱাৰ বাবে উন্নয়নমূলক পদক্ষেপ গ্ৰহণ কৰি আহিছে (Mobile farmer shops Introduce in Jorhat city area) ৷