যোৰহাট,24 আগষ্ট:লক্ ডাউনৰ পিছতে এতিয়া আনলকে বেমেজালি সৃষ্টি কৰিছে ব্যক্তিৰ জীৱনত ৷ একেদৰে সমস্যা সৃষ্টি হৈছে যাতায়াতৰ ক্ষেত্ৰতো ৷ বিশেষকৈ লঘু বাহনৰ মালিক পক্ষই সন্মুখীন হৈ আহিছে বিভিন্ন সমস্যাৰ ৷ সেয়ে জীৱন নিৰ্বাহৰ বাবে পথ বিচাৰি হাবাথুৰি খাইছে একাংশ বে-চৰকাৰী ব্যৱসায়িক বাহনৰ মালিকে ৷ বিশেষকৈ যোৰহাট জিলাত দেখা গৈছে এনে সমস্যা ৷ কিয়নো জিলাখনত প্ৰশাসনে যান-বাহন চলাচলৰ ক্ষেত্ৰত জাৰি কৰিছে কঠোৰ নিষেধাজ্ঞা ৷ প্ৰশাসনৰ নিৰ্দেশ অনুযায়ী সম্পূৰ্ণ সপ্তাহটোত এদিনৰ বাদে এদিন চলিব পাৰিব বাহনসমূহ ৷ অৰ্থাৎ যুগ্ম-অযুগ্ম সংখ্যাৰ নম্বৰৰ ভিত্তিত চলিব পাৰিব বাহনসমূহ ৷ কিন্তু এইক্ষেত্ৰত ব্যাপক সমস্যাৰূপে থিয় দিছে সাপ্তাহিক লক ডাউনে ৷ সাপ্তাহিক লক ডাউনৰ ফলত সপ্তাহত মাত্ৰ দুদিনহে বাহনসমূহ চলাব পাৰিব মালিক পক্ষই ৷
উপায়ুক্তক স্মাৰকপত্ৰ প্ৰদান