যোৰহাট,6 মাৰ্চঃআন্তৰ্জাতিক নাৰী দিৱসৰ প্ৰাকক্ষণত শ্ৰমজীৱী মহিলাৰ প্ৰতিবাদেৰে উত্তাল হৈ পৰে যোৰহাটৰ ৰাজপথ ৷ যোৰহাটৰ উপায়ুক্ত কাৰ্যালয়ৰ সন্মুখত প্ৰতিবাদ সাব্যস্ত কৰে স্থানীয় অংগনৱাড়ী কৰ্মীসকলে । বিজেপি নেতৃত্বাধীন চৰকাৰৰ জন-কল্যাণমূলক আঁচনিৰ অভাৱত ৰাজ্যৰ অংগনবাড়ী কৰ্মীসকলৰ অৱস্থা বৰ্তমান শোচনীয় হৈ পৰিছে । বিভিন্ন বিভাগৰ চৰকাৰী কৰ্মচাৰীৰ দৰে কৰ্ম কৰিব লাগে যদিয়ো নামমাত্ৰ মাননি লাভ কৰিয়ে উক্ত কৰ্মীসকলে চলাই আহিছে দৈনিক কৰ্ম । মূল্যবৃদ্ধিৰ যুগত নামমাত্ৰ মাননি লাভ কৰাৰ ফলত পৰিয়াল পোহপাল দিয়াত ব্যাপক সমস্যাৰ সৃষ্টি হৈছে অংগনৱাড়ী কৰ্মীসকলৰ ।
শ্ৰমৰ মূল্য বিচাৰি প্ৰতিবাদ