মৰিয়নীৰ পৰা যোৰহাটৰ অভিমুখী মেজিকত যুৱতী নিৰ্যাতনৰ অপচেষ্টা!!

কৰ্মস্থলীৰ পৰা নিজ গৃহ অভিমুখে আহি থকা অৱস্থাত মুখত সোপা দি যুৱতী অপহৰণৰ চেষ্টাৰ অভিযোগ চালকৰ বিৰুদ্ধে ৷ এতিয়াও জানিব পৰা হোৱা নাই পলাতক চালকৰ নাম ৷

মৰিয়নী, 28 নৱেম্বৰ: এইবাৰ মৰিয়নীত চলন্ত মেজিকত যুৱতী নিৰ্যাতনৰ অভিযোগ চলকৰ বিৰুদ্ধে ৷ মৰিয়নীৰ পৰা যোৰহাট অভিমুখী এখন মেজিকত সংঘটিত হোৱা এই ঘটনাই এতিয়া তীব্ৰ চাঞ্চল্যৰ সৃষ্টি কৰিছে সমগ্ৰ মৰিয়নী নগৰত ৷ ঘটনা অনুসৰি মৰিয়নীৰ এগৰাকী যুৱতী নিজ কৰ্মস্থলী যোৰহাটৰ পৰা বুধবাৰে সন্ধিয়া AS03AC 8054 নম্বৰৰ এখন মেজিকত নিজ গৃহ মৰিয়নী অভিমুখে যাত্ৰা কৰিছিল ৷ কিন্তু মৰিয়নী পাবৰ সময় হোৱাত গাড়ীত কোনো নথকাৰ সুযোগ গ্ৰহণ কৰি মেজিক খনৰ চালকে যুৱতী গৰাকীক মুখত সোপা দি অপহৰণ কৰাৰ চেষ্টা চলাই ৷ কিন্তু সৌভাগ্য ক্ৰমে যুৱতীগৰাকীয়ে কোনোমতে চালকজনৰ কৱলৰ পৰা নিজকে ৰক্ষা কৰিবলৈ সক্ষম হয় ৷

ইফালে, যুৱতী গৰাকীয়ে এই ঘটনাৰ বিষয়ে নিজ পৰিয়ালক বিৱৰি কোৱাত পৰিয়ালৰ লোকে নিশাই মৰিয়নী থানাত এখন এজাহাৰ দাখিল কৰে ৷ ইতিমধ্যে মৰিয়নী আৰক্ষীয়ে অভিযান চলাই অভিযুক্ত মেজিক খন জব্দ কৰিছে যদিও মেজিকখনৰ চালকজন বৰ্তমানো পলাতক অৱস্থাত আছে ৷

আৰু পঢ়ক:বিশ্বনাথত গ্ৰেপ্তাৰ দুই গড় চিকাৰী