কাচজান চাহ বাগিচাত পিঞ্জৰাবদ্ধ প্ৰকাণ্ড নাহৰফুটুকী

দীৰ্ঘ দিনে এই নাহৰফুটুকীটোৱে গৰু, ছাগলী নিধন কৰি সন্ত্ৰাস চলাইছিল কাচজান বাগিচাৰ লগতে দাঁতিকাষৰীয়া অঞ্চলত ৷

তিতাবৰ, 9 জুন: তিতাবৰৰ কাচজান চাহ বাগিচাত মঙলবাৰে পুৱাই পিঞ্জৰাবদ্ধ হয় এটা প্ৰকাণ্ড নাহৰফুটুকী ৷ দীৰ্ঘ দিনে এই নাহৰফুটুকীটোৱে গৰু, ছাগলী নিধন কৰি সন্ত্ৰাস চলাইছিল কাচজান বাগিচাৰ লগতে দাঁতিকাষৰীয়া অঞ্চলত ৷ উপায়ন্তৰ হৈ বাগিচা কতৃপক্ষই নিজাববীয়াকৈ পতা পিঞ্জৰাত মঙলবাৰে পুৱাই পিঞ্জৰাবদ্ধ হ'ল নাহৰফুটুকীটো ৷

উল্লেখ্য যে, কেইদিন মান পূৰ্বে বাগিচা খনৰ এগৰাকী মহিলাকো আক্ৰমণ কৰিছিল নাহৰফুটুকীটোৱে ৷ এই আক্ৰমণত গুৰুতৰ ভাৱে আহত হৈছিল মহিলা গৰাকী ৷ পিঞ্জৰাবদ্ধ হোৱা নাহৰফুটুকীটোক চাবলৈ বাগিচাখনত দেখা গল ৰাইজৰ ভিৰ ৷ নাই কোনো সামাজিক ব্যৱধান ৷

লগতে পঢ়কঃ ভাৰতৰ সীমাত অনাধিকাৰ প্ৰৱেশ কৰাতো ল'ৰা ধেমালি নহয় : অমিত শ্বাহ