টীয়ক,27 নৱেম্বৰ : অখিল গগৈৰ মুক্তিৰ দাবীত টীয়কত উত্তাল প্ৰতিবাদ ৷ কা বিৰোধী আন্দোলনত অংশ লোৱাৰ অপৰাধত বিগত বৰ্ষৰ 12 ডিচেম্বৰত কৃষক মুক্তি সংগ্ৰাম সমিতিৰ নেতা অখিল গগৈক আটক কৰিছিল আৰক্ষীয়ে ৷ পৰৱৰ্তী সময়ত আৰক্ষীয়ে ৰাষ্ট্ৰীয় অনুসন্ধানকাৰী সংস্থা চমুকৈ নিয়াক অৰ্পন কৰে কৃষক নেতাগৰাকীক ৷ তাৰ পাচতে এটাৰ পাচত আন এটাকৈ বহুকেইটা গোচৰ জাপি দিয়া হয় অখিল গগৈৰ ওপৰত ৷ সম্প্ৰতি কাৰাৰুদ্ধ হৈ আছে কৃষক নেতা গৰাকী ৷
অখিল গগৈক মুক্তিৰ দাবীত টীয়কত কৃষক মুক্তিৰ অৱস্থান ধৰ্মঘট - কা আইন বাতিল কৰক
এঘাৰটা মাহে কাৰাবন্দী কৰি ৰখা কৃষক নেতা অখিল গগৈক বিনা চৰ্তে মুক্তিৰ দাবীত টীয়কত কৃষক মুক্তিৰ অৱস্থান ধৰ্মঘট কাৰ্যসূচী ৷ কৃষক মুক্তি সংগ্ৰাম সমিতিৰ সদস্যসকলে হাতে হাতে প্লেকাৰ্ড লৈ বিভিন্ন শ্ল'গান দি পৰিৱেশ উত্তাল কৰি তোলে ৷
অখিল গগৈক মুক্তিৰ দাবীত টীয়কত কৃষক মুক্তিৰ অৱস্থান ধৰ্মঘট
শুকুৰবাৰে, এঘাৰটা মাহে আক্ৰোশমূলকভাৱে কৃষক নেতা অখিল গগৈক কাৰাবন্দী কৰি ৰখা আৰু নাগৰিকত্ব সংশোধনী আইন বাতিলৰ দাবীত টীয়কৰ মাজমজিয়াত কৃষক মুক্তি সংগ্ৰাম সমিতিয়ে এক অৱস্থান ধৰ্মঘট কাৰ্যসূচী ৰূপায়ন কৰে ৷ কৃষক মুক্তি সংগ্ৰাম সমিতিৰ সদস্যসকলে হাতে হাতে প্লেকাৰ্ড লৈ অখিল গগৈক বিনা চৰ্তে মুক্তিৰ দাবী তোলে ৷ অখিল গগৈ জিন্দাবাদ, বিজেপি চৰকাৰ মূর্দাবাদ, কা আইন বাতিল কৰক, বিজেপি চৰকাৰ নিপাত যাওক আদি শ্ল'গান দি পৰিৱেশ উত্তাল কৰি তোলে ৷
লগতে পঢ়ক:মাৰ্ঘেৰিটাত নাৰ্চিংহোমৰ আৱৰ্জনাৰ মাজত উদ্ধাৰ নৱজাত শিশুৰ মৃতদেহ