তিতাবৰ, 18 জুলাই :তিতাবৰ ক’ভিড কেয়াৰ কেন্দ্ৰৰ পৰা পলায়ন কৰা এটা কয়দীক তিতাবৰ নগৰ চাৰি আলিৰ পৰা শনিবাৰে নিশা উদ্ধাৰ কৰে তিতাবৰ আৰক্ষীয়ে । সম্প্ৰতি পলায়ন কৰা কয়দী কিশোৰ (juvanile prisoner)টোক পুনৰ ক’ভিড কেয়াৰ কেন্দ্ৰত ভৰ্তি কৰোৱা হৈছে । কিশোৰজনে আন 4 জন লগৰীয়াৰ সৈতে শনিবাৰে নিশাই ক’ভিড কেয়াৰ কেন্দ্ৰটোৰ পৰা পলায়ন কৰিছিল ৷
ক’ভিড কেয়াৰ কেন্দ্ৰ পৰাই পলায়ন কিশোৰ অপৰাধীৰ
উল্লেখ্য যে, বিগত ১১ জুলাইৰ পৰা ১৬ জুলাইৰ ভিতৰত মুঠ ১১টা কিশোৰ অপৰাধীক যোৰহাটৰ লিচুবাৰীত অৱস্থিত শিশু কাৰাগাৰ(children jail)ৰ পৰা তিতাবৰ ক’ভিড কেয়াৰ কেন্দ্ৰলৈ কাৰাগাৰ কৰ্তৃপক্ষই প্ৰেৰণ কৰিছিল ৷ দুৰ্ভাগ্যজনকভাৱে শনিবাৰে নিশা তিতাবৰ ক’ভিড কেয়াৰ কেন্দ্ৰৰ পৰা পলাই যায় ইয়াৰে ৫ টাকৈ অপৰাধী কিশোৰ ৷ সম্প্ৰতি ইয়াৰে এজনক আৰক্ষীয়ে কৰায়ত্ব কৰিবলৈ সক্ষম হৈছে যদিও, আন 4 জন বৰ্তমানলৈকে পলাতক অৱস্থাত আছে ৷