তিতাবৰত কৃষক মুক্তি সংগ্ৰাম সমিতিৰ অৱস্থান ধৰ্মঘট কাৰ্যসূচী

তিতাবৰত কৃষক মুক্তি সংগ্ৰাম সমিতিয়ে ৰূপায়ণ কৰে অৱস্থান ধৰ্মঘটৰ এক কাৰ্যসূচী ৷ মাইক্ৰ’ফাইনেঞ্চ কোম্পানীৰ ক্ষেত্ৰত চৰকাৰে কোনো ব্যৱস্থা গ্ৰহণ নকৰাৰ বাবে সংগঠনটোৱে ৰূপায়ণ কৰে এই কাৰ্যসূচী ৷

তিতাবৰ,18ডিচেম্বৰ:শুকুৰবাৰে তিতাবৰ মহকুমা কৃষক মুক্তি সংগ্ৰাম সমিতিয়ে যোৰহাট জিলাৰ তিতাবৰ প্ৰেছক্লাবৰ সন্মুখত ৰূপায়ণ কৰে অৱস্থান ধৰ্মঘটৰ এক কাৰ্যসূচী ৷ অসমত মাইক্ৰ’ফাইনেঞ্চ কোম্পানীয়ে সাধাৰণ ৰাইজক কৰা হাৰাশাস্তিৰ বাবে সংগঠনটোৱে সাব্যস্ত কৰে এই প্ৰতিবাদ ৷ সংগঠনটোৰ সদস্য সকলৰ দাবী,মাইক্ৰ’ফাইনেঞ্চ কোম্পানীয়ে সাধাৰণ জনতাক ঋণ দিয়াৰ নামত লুটি আছে,কিন্তু চৰকাৰে এই ক্ষেত্ৰত গ্ৰহণ কৰা নাই কোনো ব্যৱস্থা ৷

ইফালে,মাইক্ৰ’ফাইনেঞ্চ কোম্পানীৰ ঋণ পৰিশোধ কৰিব নোৱাৰি ৰাজ্যৰ বহু সাধাৰণ লোকে আত্মহত্যাৰ দৰে পথ বাছি ল'ব লগা হৈছে বুলি মন্তব্য কৰে প্ৰতিবাদকাৰী সকলে ৷ চৰকাৰে এই কোম্পানী সমূহৰ বাবে বিহিত কোনো ব্যৱস্থা গ্ৰহণ নকৰাৰ বাবেই আজি তিতাবৰত ৰূপায়ণ কৰা হয় অৱস্থান ধৰ্মঘটৰ কাৰ্যসূচী ৷ এই কাৰ্যসূচীত যোৰহাট জিলাৰ বিষয়ববীয়াৰ লগতে তিতাবৰ মহকুমাৰ বিষয়ববীয়া সকল উপস্থিত থাকে ৷

অন্য এক খবৰৰ বাবে: অসম কৃষি বিশ্ববিদ্যালয়ত সংযোজন এনচিচি