যোৰহাট, 29 জানুৱাৰী: অসমীয়া যুৱকৰ ভোগদৈ বালিৰে নিৰ্মাণ কৰা সৰস্বতীৰ প্ৰতিমাই দৃশ্য আৰ্কষণ কৰিছে সৰ্বসাধাৰণ ৰাইজৰ । গতানুগতিক ধাৰাৰ পৰা পৃথক হৈ যোৰহাটত দেখিবলৈ পোৱা গ'ল কেইজনমান যুৱকৰ ব্যতিক্ৰমী প্ৰয়াস । মাটিৰে নহয় এইবাৰ ভোগদৈ নদীৰ বালিৰে নিৰ্মাণ কৰি উলিয়াইছে বিদ্যাৰ অধিস্থিতা দেৱী সৰস্বতীৰ প্ৰতিমা । যোৰহাটৰ এদল যুৱ শিল্পীয়ে যোৰহাটৰ ষ্টেডিয়ামৰ বাকৰিত আটক ধুনীয়াকৈ সাজি উলিওৱা এই সৰস্বতীৰ প্ৰতিমা এতিয়া আৰ্কষণৰ কেন্দ্ৰ বিন্দু হৈ পৰিছে । আনহাতে থাৰ্মকলৰে নিৰ্মাণ কৰা মটৰ চাইকেলখনেও সৰ্বসাধাৰণ ৰাইজক যথেষ্ট আৰ্কষণ কৰে ।
অসমীয়া যুৱকৰ বলুকাৰে নিৰ্মাণ বাগদেবী