সাংবাদিকৰ সৈতে পৰ্যালোচনা যোৰহাটৰ নৱনিযুক্ত উপায়ুক্তৰ

বৃহস্পতিবাৰে যোৰহাটৰ সাংবাদিকসকলৰ সৈতে পৰ্যালোচনাত মিলিত হয় নৱনিযুক্ত জিলা উপায়ুক্ত অশোক কুমাৰ বৰ্মন ৷ জিলাখনৰ সমস্যাসমূহ সমাধানত গুৰুত্ব প্ৰদান কৰাৰ উপৰিও নিৱনুৱাসকলক আত্ম সংস্থাপন দিয়াৰ বাবে নিজাববীয়াকৈ চেষ্টা চলোৱাৰ কথা উল্লেখ কৰে জিলা উপায়ুক্তগৰাকীয়ে ৷

যোৰহাট,21 মে’ : যোৰহাটৰ নৱ নিযুক্ত জিলা উপায়ুক্ত অশোক কুমাৰ বৰ্মনে বৃহস্পতিবাৰে জিলাখনৰ সাংবাদিকসকলৰ সৈতে পৰিচয় হয় ৷ যোৰহাটৰ বিভিন্ন সমস্যা সম্পৰ্কে সাংবাদিকসকলৰ সৈতে এক পৰ্যালোচনাত মিলিত হয় উপায়ুক্ত গৰাকীয়ে ৷

যোৰহাটৰ নৱনিযুক্ত উপায়ুক্তৰ সংবাদমেল

সংবাদমেলযোগে জিলাখনৰ সমস্যাসমূহ সমাধানত গুৰুত্ব প্ৰদান কৰাৰ লগতে কৃষি আৰু আনুসংগিক ক্ষেত্ৰত নিৱনুৱাসকলক আত্ম সংস্থাপন দিয়াৰ বাবে নিজাববীয়াকৈ চেষ্টা চলাব বুলি উল্লেখ কৰে উপায়ুক্তগৰাকীয়ে ৷

ইয়াৰোপৰি ক’ভিড মহামাৰীৰ সময়ত সকলো বিষয়া-কৰ্মচাৰীয়ে যাতে ৰাইজৰ সমস্যাৰ বুজ লয়, তাৰ প্ৰতি সকলো বিষয়া-কৰ্মচাৰীক আহ্বান জনায় উপায়ুক্ত বৰ্মনে ৷

লগতে পঢ়ক :দৰঙৰ ক'ভিড কেয়াৰ চেন্টাৰ পৰিদৰ্শন উপায়ুক্তৰ