CISPৰ প্ৰশিক্ষণত দেশৰ ভিতৰতে উজলিল যোৰহাট চিকিৎসা মহাবিদ্যালয়

2018 চনতে চিকিৎসা মহাবিদ্যালয়খনক সমগ্ৰ পূব ভাৰতত ৰিজনেল চেন্টাৰ ফৰ মেডিকেল এডুকেশ্বন টেকনলজীৰ অধীনত প্ৰশিক্ষণ প্ৰদানৰ বাবে স্বীকৃতি দিছিল মেডিকেল কাউন্সিল অৱ ইণ্ডিয়াই ৷

যোৰহাট, 15 ছেপ্তেম্বৰ: কৰ'ণাসৃষ্ট আতংকময় পৰিৱেশৰ মাজতে ৰাজ্যবাসীলৈ এটা ভাল খবৰ কঢ়িয়াই আনিছে যোৰহাট চিকিৎসা মহাবিদ্যালয়ে ৷ National faculty development program ৰ অন্তৰ্গত CISPৰ প্ৰশিক্ষণত দেশৰ ভিতৰতে শীৰ্ষ স্থান দখল কৰিবলৈ সক্ষম হৈছে চিকিৎসা মহাবিদ্যালয়খনে ৷ 2018 চনতে চিকিৎসা মহাবিদ্যালয়খনক সমগ্ৰ পূব ভাৰতত ৰিজনেল চেন্টাৰ ফৰ মেডিকেল এডুকেশ্বন টেকনলজীৰ অধীনত প্ৰশিক্ষণ প্ৰদানৰ বাবে স্বীকৃতি দিছিল মেডিকেল কাউন্সিল অৱ ইণ্ডিয়াই ৷ তেতিয়াৰে পৰা মেডিকেল কাউঞ্চিল অৱ ইণ্ডিয়াৰ অধীনত থকা উত্তৰ পূব ভাৰতৰ 28 খন চিকিৎসা মহাবিদ্যালয়ত CISP ৰ প্ৰশিক্ষণ প্ৰদান কৰি আহিছিল যোৰহাট চিকিৎসা মহাবিদ্যালয়ে ৷

2019 বৰ্ষৰ সমীক্ষা অনুসৰি যোৰহাট চিকিৎসা মহাবিদ্যালয়ে 32 টাকৈ CISP প্ৰশিক্ষণ অনুষ্ঠিত কৰিবলৈ সক্ষম হৈছে ৷ আনহাতে চিকিৎসা মহাবিদ্যালয়খনে 692 জন ফেকাল্টিক প্ৰশিক্ষণ দিবলৈ সক্ষম হৈছে, যি দেশৰ ভিতৰতে সৰ্বাধিক ৷ উল্লেখ্য যে,চিকিৎসা মহাবিদ্যালয়খনৰ এটা 10 জনীয়া দলে দিছিল এই প্ৰশিক্ষণ ৷ সমগ্ৰ ভাৰতবৰ্ষৰ প্ৰায় 12 টা ৰিজ'নেল চেন্টাৰ মাজত CISPৰ প্ৰশিক্ষণত শীৰ্ষত থাকি সমগ্ৰ উত্তৰ-পূৰ্বাঞ্চললৈ গৌৰৱ কঢ়িয়াই আনিছে যোৰহাট চিকিৎসা মহাবিদ্যালয়ে ৷

লগতে পঢ়কঃক্ৰমাৎ অনিশ্চয়তাৰ দিশে বাঘজানবাসীৰ ভৱিষ্যত