যোৰহাটত বিদায় অনুষ্ঠানত আৱেগিত হৈ পৰিল লুৰিণজ্যোতি গগৈ

যোৰহাটত লুৰিণজ্যোতি গগৈৰ বিদায় অনুষ্ঠান । শতাধিক লোকৰ উপস্থিতিত অনুষ্ঠিত হয় এই সম্বৰ্ধনা অনুষ্ঠান ৷ এই অনুষ্ঠানত আৱেগিক হৈ পৰে লুৰিণজ্যোতি গগৈ ৷

যোৰহাট,5 ডিচেম্বৰ:অসম মাতৃৰ অন্য এক বলিষ্ঠ কন্ঠ লুৰিণজ্যোতি গগৈ । অসম মাতৃক সেৱা কৰাৰ মানসেৰে সদৌ অসম ছাত্ৰ সন্থাৰ সপ্তদশ দুলীয়াজান অধিৱেশনত লুৰিণজ্যোতি গগৈয়ে বিদায় ল'লে আছুৰ মজিয়াৰ পৰা । লুৰিণজ্যোতি গগৈয়ে বিদায় লোৱাৰ পিছতেই অসমৰ প্ৰতিটো চুকে-কোণে আছু কৰ্মী, দল-সংগঠনৰ বিষয়ববীয়াই জনাইছে বিদায় সম্বৰ্ধনা ।

যোৰহাটতো শুকুৰবাৰে সদৌ যোৰহাট জিলা ছাত্ৰ সন্থাই আয়োজন কৰে অসমৰ বলিষ্ঠ কন্ঠ লুৰিণজ্যোতি গগৈৰ বিদায় সম্বৰ্ধনাৰ এক অনুষ্ঠান । যোৰহাটত উপস্থিত হোৱাৰ পিছতেই শতাধিক আছু কৰ্মীয়ে আদৰি আনে নেতাগৰাকীক ।

যোৰহাট মিলেনিয়াম পাৰ্কত অনুষ্ঠিত হোৱা এই অনুষ্ঠানত সদ্য পদত্যাগী নেতাগৰাকীক সম্বৰ্ধনা জনায় বহু সংখ্যক আছু কৰ্মী, ছাত্ৰ-ছাত্ৰী, যোৰহাটৰ বহু দল সংগঠন, অনুষ্ঠান-প্ৰতিষ্ঠানৰ লগতে সাধাৰণ জনতাই । অনুষ্ঠানত ভাষণ প্ৰদান কৰিবলৈ লৈয়ে আৱেগিক হৈ পৰে নেতাগৰাকী । ভাষণ প্ৰসংগত নেতাগৰাকীয়ে আৱেগিক হৈয়ে কৈ গ'ল তেওঁৰ সংগ্ৰামী যাত্ৰাৰ বহু কথা ।

অন্য এক খবৰৰ বাবে: আজি দুদিনীয়া ভ্ৰমণসূচীৰে বৰাকত উপস্থিত হ'ব জীতেন্দ্ৰ সিং