ষ্টেট বেংকৰ ATMৰ পৰা ওলাল টাপলি মৰা ফটা নোট

ভাৰতীয় ষ্টেট বেংকৰ এ টি এমত ওলাল টাপলি মৰা নোট ৷ এই ঘটনা সংঘটিত হৈছে যোৰহাটৰ মৰিয়নীৰ এটা এটি এমত ৷ ধন উলিয়াবলৈ গৈ গ্ৰাহকে পালে ফটা,টাপলি মৰা ৫০০ টকীয়া নোট ৷

মৰিয়নী, 9 আগষ্টঃ জানিব পৰা মতে মৰিয়নীৰ দিগন্ত বৰা নামৰ ব্যৱসায়ীজনে বৃহস্পতিবাৰে নিশা মৰিয়নীস্থিত ভাৰতীয় ষ্টেট বেংকৰ তলত থকা ATM ৰ পৰা ১৫০০০ টকা উলিয়াইছিল । ATM ৰ পৰা ওলোৱা টকাখিনিৰ ৫০০ টকীয়া ১০ খন নোট সম্পূৰ্ণ ৰূপে ফটা আৰু কাগজৰ টাপলি লগোৱা । উপায়ন্তৰ হৈ ব্যক্তিজনে শুকুৰবাৰে পুৱা ফটা টাপলি লগোৱা নোট সমূহ লৈ ষ্টেট বেংকলৈ যায় । আনহাতে মৰিয়নীস্থিত ষ্টেট বেংকৰ ATM সমূহ নিশা হ'লেই বন্ধ কৰি দিয়াত বিভিন্ন কাৰণবশত নিশা ধন উলিয়াবলৈ যোৱা গ্ৰাহকসকল ধন নাপাই ঘূৰি আহিবলগীয়া হয় ।