যোৰহাট, 29 মে' : ক'ভিড প্ৰট'কল পালনৰ ক্ষেত্ৰত ক'ঠোৰ ব্যৱস্থা গ্ৰহণ কৰিব যোৰহাট জিলা প্ৰশাসনে ৷ শনিবাৰে সাংবাদিকক সম্বোধন কৰি এই কথা প্ৰকাশ কৰিলে যোৰহাট জিলাৰ উপ-আৰক্ষী অধীক্ষক বিভাস দাসে ৷ উল্লেখ্য যে, কাৰ্ফিউ চলি থকা সময়তো যোৰহাট জিলাৰ বিভিন্ন প্ৰান্ত একাংশ লোকে কাৰ্ফিউ ভংগ কৰি ঘূৰি ফুৰা দেখা গৈছিল ৷
ক'ভিড প্ৰট'কল ক্ষেত্ৰত কঠোৰ হ'ব যোৰহাট জিলা প্ৰশাসন
"এতিয়াৰ পৰা যিসকলে ক'ভিড প্ৰট'কল অমান্য কৰি তথা কাৰ্ফিউ চলি থকা সময়ত কোনো বিশেষ কাম নোহোৱাকৈ ঘূৰি ফুৰিছিল সেই সকলৰ ক্ষেত্ৰত কঠোৰ ব্যৱস্থা গ্ৰহণ কৰা হ'ব ৷ তদুপৰি যিসকলে ক'ভিড প্ৰট'কল অমান্য কৰি কাৰ্ফিউ চলি থকা সময়ত সন্ধিয়া প্ৰাতঃ ভ্ৰমণত উলাই আহে সেই সকলে ক্ষেত্ৰটো কঠোৰ ব্যৱস্থা গ্ৰহণ কৰা হ'ব ৷" সাংবাদিকৰ আগত এই দৰে কয় উপ-আৰক্ষী অধীক্ষক গৰাকীয়ে ৷