যোৰহাট,25 ফেব্ৰুলৱাৰী: বিশ্বৰ বিলুপ্তিৰ বিৰুদ্ধে বিদ্ৰোহ ঘোষণা যোৰহাট মহাবিদ্যালয়ৰ ৷ মঙলবাৰে বিশ্বৰ বিলুপ্তিৰ বিৰুদ্ধে যোৰহাট মহাবিদ্যালয়ে এখন বৃহৎ সজাগতামূলক সমদলৰ আয়োজন কৰে ৷
বৰ্তমান সময়ত সমগ্ৰ বিশ্বত ভয়াবহভাৱে গোলকীয় উষ্ণতাই সৃষ্টি কৰিছে বৃহৎ সমস্যাৰ । যাৰ ফলত দেশত প্ৰতি মিনিটত ২৫ টকাকৈ অক্সিজেন কিনিবলৈ বাধ্য হৈ পৰিছে মানৱ জাতিয়ে । একমাত্ৰ বৃহৎ ব্যৱসায়িক প্ৰতিষ্ঠান তথা গোষ্ঠীৰ স্বাৰ্থৰ বাবে জ্বলাই দিয়া হৈছে প্ৰকৃতিৰ অন্যবদ্য সৃষ্টি আমাজন, অষ্ট্ৰেলিয়াৰ বৰ্ষাৰণ্য । পলিথিন নিৰ্মাণ কৰা কোম্পানীৰ স্বাৰ্থতে এতিয়া সমগ্ৰ বিশ্বৰ লগতে দেশতো মেলি দিয়া হৈছে পলিথিনৰ বিশাল বজাৰ । ইয়াৰ ফলত এতিয়া মানৱ জাতিৰ জীৱন বিপদাপন্ন হৈ পৰিছে । ইয়াৰ প্ৰতিবাদত যোৰহাট জিলাৰ খনৰ অন্যতম শিক্ষানুষ্ঠান যোৰহাট মহাবিদ্যালয়ৰ উদ্যোগত এক বৃহৎ সজাগতা মূলক প্ৰতিবাদী সমদল বাহিৰ কৰে । বিভিন্ন স্পৰ্শকাতৰ প্ৰতিক পদৰে চহৰখনৰ মাজৰে কৰা শোভাযাত্ৰা ই সাধাৰণ লোকৰ দৃষ্টি আকৰ্ষণ কৰিবলৈ সক্ষম হৈছে ।