যোৰহাট, 23 অক্টোবৰ:এতিয়াৰে পৰাহাই ম’ষ্ট বিজুলী বাতিৰে আলোকিত হ'ব যোৰহাট চহৰ ৷ যোৰহাট চহৰৰ মুঠ 26 টা অঞ্চলত হাই ম’ষ্ট বিজুলী বাতিৰ সংযোগ ৷ অসম বিধান সভাৰ অধ্যক্ষ হিতেন্দ্ৰ নাথ গোস্বামীয়ে শুকুৰবাৰে আনুষ্ঠানিকভাৱে এই হাই ম’ষ্ট বিজুলী বাতি প্ৰকল্পৰ উদ্বোধন কৰে ৷
এই প্ৰকল্পৰ আনুষ্ঠানিক শুভাৰম্ভ কৰি বিধানসভাৰ অধ্যক্ষ গৰাকীয়ে কয় যে যোৰহাট পৌৰ এলেকাধীন অঞ্চলৰ 23 টা আৰু বিস্তাৰিত অন্য 3 টা অঞ্চলত এই হাই ম’ষ্ট বিজুলীৰ সংযোগ কৰা হৈছে ৷ উদ্বোধনী অনুষ্ঠানত হিতেন্দ্ৰ নাথ গোস্বামীৰ সৈতে ৰাজ্য সভাৰ সাংসদ কামাখ্যা তাচা, যোৰহাটৰ উপায়ুক্ত ৰশ্নি অপৰাঞ্জী ক'ৰাটীৰ লগতে অন্য বহুকেইজন বিশিষ্ট ব্যক্তি উপস্থিত থাকে ৷ এই বিজুলী বাতিৰ সংযোগে যোৰহাট চহৰৰ এক দীৰ্ঘদিনীয়া অভাৱ পূৰণ কৰিব বুলি আশা প্ৰকাশ কৰা হৈছে ৷
লগতে পঢ়ক:অসমত বৃষ্টিপাতৰ সম্ভাৱনাঃ বতৰ বিজ্ঞান কেন্দ্ৰৰ আগজাননী
