টীয়ক এফ আৰ ইউত বিজেপিৰ ফলমূল বিতৰণ

টীয়ক এফ আৰ ইউত ৰোগী তথা গৰ্ভৱতী মহিলা সকলৰ মাজত ফলমূল বিতৰণ ৷ সেৱা সপ্তাহৰ পঞ্চমটো দিন উপলক্ষে টীয়ক এফ আৰ ইউত ফলমূল বিতৰণ যোৰহাট জিলা বিজেপি কৰ্মীৰ ৷ সেৱাৰ উদ্দেশ্য আগত ৰাখি সদায়েই ৰাইজৰ কাষত থকাৰ প্ৰতিশ্ৰুতি প্ৰদান বিজেপি কৰ্মীৰ ৷

যোৰহাট, 18 চেপ্তেম্বৰ:দেশৰ প্ৰধানমন্ত্ৰী নৰেন্দ্ৰ মোডীৰ জন্মদিন উপলক্ষে দেশজুৰি উদযাপন হৈ থকা সেৱা সপ্তাহৰ অংশ হিছাপে টীয়ক এফ আৰ ইউত ফলমূল বিতৰণ ৷ সেৱা সপ্তাহৰ পঞ্চমটো দিনত যোৰহাট জিলা বিজেপি কৰ্মীসকলে ৰোগী আৰু গৰ্ভৱতী মহিলাৰ মাজত ফলমূল বিতৰণ কৰি প্ৰধানমন্ত্ৰীগৰাকীৰ জন্মদিন উদযাপন কৰে ৷ ৰাইজক সেৱা কৰাৰ উদ্দেশ্য আগত ৰাখি বিভিন্ন কাৰ্যসূচীৰে সদায়েই দলে কাম কৰি যাব বুলি বিজেপি কৰ্মীসকলে মন্তব্য প্ৰকাশ কৰে ৷

উক্ত কাৰ্যসূচীত যোৰহাট জিলা বিজেপিৰ সাধাৰণ সম্পাদক অমৰ শইকীয়া, প্ৰাক্তন সভাপতি জিতু হাজৰিকা, সম্পাদিকা ৰুমী চেতীয়া, জিলা কৃষাণ মৰ্চাৰ সভাপতি ত্ৰৈলোক্য ভূঞা, কলিয়াপানী মণ্ডল বিজেপিৰ সভাপতি দীপক শইকীয়া,যুৱ মৰ্চাৰ সভাপতি অজয় ভট্টাচাৰ্যৰ লগতে বহুকেইগৰাকী দলীয় সদস্যই সহযোগিতা আগবঢ়াই ৷

লগতে পঢ়ক:এইবাৰ চাইৱালাৰ ৰূপত কিয় বিধায়ক ৰূপজ্যোতি কুৰ্মী ?