যোৰহাট,16 নৱেম্বৰ : যোৰহাটৰ মৰিয়নীত সোমবাৰে নাগালেণ্ডৰ বিৰুদ্ধে পথ অৱৰোধ কৰে যোৰহাট জিলা চাহ জনজাতি ছাত্ৰ সন্থাই ৷ দিছৈ ভেলী সংৰক্ষিত ভূমিৰ পৰা নগা আৰক্ষীৰ চাউনী আঁতৰোৱাৰ দাবীৰে এই প্ৰতিবাদ সাব্যস্ত কৰে সংগঠনটোৱে ৷ মৰিয়নীৰ নিউ সোণোৱালত নাগালেণ্ড সংযোগী এম কে জি পথ অৱৰোধ কৰি প্ৰতিবাদ সাব্যস্ত কৰে আটছাই । অসমৰ ভূমিত নগা আৰক্ষীৰ চাউনী আজিপৰ্যন্ত উঠাই নিনিয়াৰ প্ৰতিবাদত 12 ঘণ্টীয়া পথ অৱৰোধ কাৰ্যসূচী হাতত লয় আটছাৰ লগতে স্থানীয় ৰাইজে ৷ এই সমস্যা সমাধান নকৰিলে অনাগত দিনত নাগালেণ্ডৰ বিৰুদ্ধে দীঘলীয়া অৰ্থনৈতিক অৱৰোধ দৰে প্ৰতিবাদী কাৰ্যসূচী ৰূপায়ণ কৰিব বুলি আটছাই সদৰী কৰে ৷
নাগালেণ্ডৰ বিৰুদ্ধে আটছাৰ 12 ঘণ্টীয়া পথ অৱৰোধ