যোৰহাট, 28 মাৰ্চঃ বহুকেইটা ৰাজনৈতিক দল আহিল আৰু গ'ল ৷ দৰিদ্ৰতা নিৰ্মূলক মূখ্য নিৰ্বাচনী ইছ্যু হিচাপে লৈ জয়ী হৈছে বহু চৰকাৰ ৷ কিন্তু আজিও যেন সমাজৰ বহু লোক বঞ্চিত হৈ আছে ন্যূনতম সংবিধান প্ৰদত্ত মৌলিক অধিকাৰৰ পৰাও ৷
তাৰেই যেন উদাহৰণ বহন কৰিছে যোৰহাট নগৰৰ উপকন্ঠৰ কৰঙা গাঁও পঞ্চায়তৰ অন্তৰ্গত, কাঠকটীয়া গাঁৱৰ ভূঞা বস্তিত ৷ এইয়া পঞ্চায়ত খনৰ অন্তৰ্গত 2 নং ৱাৰ্ডৰ একাংশ লোকৰ ঘৰৰ দৃশ্য ৷ ঘৰৰ ছালেৰে তৰা গণিব পৰা অৱস্থা এওঁলোকৰ ঘৰত ৷ ঘৰ নহয় যেন একো একোটা গোহালিহে ৷ শোৱলৈ নাই এখন বিচনা, খাবলৈও নাই পৰ্যাপ্ত খাদ্য ৷ কোনোমতে লজ্জা নিবাৰণ কৰি ৰাখিছে কেইপদমান কাপোৰেৰে ৷
চৰকাৰী ৰঙা ফিটাৰ মেৰপেচতে আবদ্ধ এওঁলোকৰ জীৱন...