যোৰহাট চিকিৎসা মহাবিদ্যালয়ত স্বাস্থ্যমন্ত্ৰী হিমন্ত বিশ্ব শৰ্মা

যোৰহাট চিকিৎসা মহাবিদ্যালয়ত উপস্থিত স্বাস্থ্যমন্ত্ৰী হিমন্ত বিশ্ব শৰ্মা ৷ চিকিৎসা মহাবিদ্যালয়খনত বিনামূলীয়া ডাইলাইছিচ কেন্দ্ৰ মুকলি কৰাৰ বাবে উপস্থিত হয় স্বাস্থ্যমন্ত্ৰী গৰাকী ৷

যোৰহাট,21 মাৰ্চঃ যোৰহাট চিকিৎসা মহাবিদ্যালয়ত উপস্থিত স্বাস্থ্য মন্ত্ৰী হিমন্ত বিশ্ব শৰ্মা ৷ চিকিৎসা মহাবিদ্যালয়খনত বিনামূলীয়া ডাইলাইছিচ কেন্দ্ৰ মুকলি কৰাৰ বাবে উপস্থিত হয় স্বাস্থ্যমন্ত্ৰীগৰাকী ৷ ৭ খন বিচনা যুক্ত ডাইলাইছিচ কেন্দ্ৰটো দেশৰ আগশাৰীৰ এপ’ল’ হাস্পতালৰ সৈতে সংযুক্ত ৷ ডাইলাইছিচ কেন্দ্ৰটোত ৰোগীৰ বাবে সম্পূৰ্ণ বিনামূলীয়াকৈ প্ৰদান কৰা হ’ব চিকিৎসা ৷ ইয়াৰ উপৰিও যোৰহাট চিকিৎসা মহাবিদ্যালয়ৰ চিকিৎসকৰ লগতে চিকিৎসা কৰ্মীৰ সৈতে এক গুৰুত্বপূৰ্ণ আলোচনাত মিলিত হয় স্বাস্থ্যমন্ত্ৰী হিমন্ত বিশ্ব শৰ্মা ৷

উল্লেখ্য যে, যোৰহাট জিলাত কৰ’ণা ভাইৰাছ সংক্ৰমণৰ কোনো ঘটনা পোহৰলৈ অহা নাই যদিও যোৰহাট চিকিৎসা মহাবিদ্যালয়ৰ সকলো চিকিৎসা কৰ্মী সাজু বুলি উল্লেখ কৰে স্বাস্থ্যমন্ত্ৰী গৰাকীয়ে ৷

লগতে পঢ়ক-নগাঁৱৰ গোমোঠাগাঁৱত ভয়াৱহ দুৰ্ঘটনাঃ থিতাতে নিহত এজন