লক ডাউনঃ দৰিদ্ৰ পৰিয়ালৰ মুখত হাঁহি বিৰিঙালে চিকিৎসক-অধ্যাপিকা দম্পত্তিয়ে

বৰহোলাৰ প্ৰতিস্থিত ব্যৱসায়ী মুকুত বৰাই মুখ্যমন্ত্ৰী সাহাৰ্য পুজিঁলৈ এক লাখ টকা অনুদান দিয়াৰ লগতে স্থানীয় 61 টা দৰিদ্ৰ পৰিয়ালক পৰ্যাপ্ত খাদ্য সামগ্ৰী যোগান ধৰি মহানুভৱতাৰ পৰিচয় দিয়ে ।

যোৰহাট, 9 এপ্ৰিল :বুধবাৰে মেৰাপানীৰ একাংশ দৰিদ্ৰ পৰিয়ালৰ মুখত হাঁহি বিৰিঙালে এক মানৱদৰদী দম্পত্তিয়ে ৷ তেওঁলোকৰ মহানুভৱতাৰ বাবেই মেৰাপানীৰ প্ৰায় ত্ৰিশটা পৰিয়ালে লাভ কৰিলে এসাঁজ ভোকৰ ভাত । মেৰাপানী গ্ৰাম্য চিকিৎসালয়ৰ চিকিৎসক ডঃ প্ৰশান্ত প্ৰতিম গগৈ আৰু অধ্যাপিকা পত্নী ইন্দিৰা গগৈয়ে মেৰাপানীৰ এই দৰিদ্ৰ পৰিয়ালসমূহলৈ আগবঢ়ালে প্ৰয়োজনীয় খাদ্য সামগ্ৰী । সামাজিক দূৰত্ব বজাই ৰাখি দম্পত্তিয়ে দৰিদ্ৰ পৰিয়ালসমূহক খাদ্য সামগ্ৰীৰ টোপোলাসমূহ প্ৰদান কৰে ।

আনহাতে মেৰাপানীৰ পুলিবাগান অঞ্চলৰ দুজন শিক্ষক ক্ৰমে অনন্ত পেগু আৰু কমলেশ্বৰ দলেয়ে মন্ত্ৰী ডঃ হিমন্ত বিশ্ব শৰ্মাৰ আহ্বানৰ প্ৰতি সন্মান জনাই একাংশ দৰিদ্ৰ পৰিয়ালৰ মাজত খাদ্য সামগ্ৰী বিতৰণ কৰে । তাৰোপৰি বৰহোলাৰ প্ৰতিস্থিত ব্যৱসায়ী মুকুত বৰাই মুখ্যমন্ত্ৰী সাহাৰ্য পুজিঁলৈ এক লাখ টকা অনুদান দিয়াৰ লগতে স্থানীয় 61 টা দৰিদ্ৰ পৰিয়ালক পৰ্যাপ্ত খাদ্য সামগ্ৰী যোগান ধৰি মহানুভৱতাৰ পৰিচয় দিয়ে ।