যোৰহাটত ভয়ংকৰ অগ্নিকাণ্ড

শ্ব’ৰ্ট চাৰ্কিটৰ ফলত যোৰহাটত এক অগ্নিকাণ্ড সংঘটিত হয় ৷ অগ্নিকাণ্ডটোৰ ফলত এটা চিলিণ্ডাৰ বিস্ফোৰিত হয় ৷

যোৰহাট,13 ফেব্ৰুৱাৰী:যোৰহাটৰ বালিগাঁৱৰ জানখনাত শনিবাৰে পুৱা সংঘটিত হয় এক ভয়ংকৰ অগ্নিকাণ্ড ৷ বৈদ্যুতিক শ্ব’ৰ্ট চাৰ্কিটৰ ফলতে এই অগ্নিকাণ্ডটো সংঘটিত হয় বুলি জানিব পৰা হৈছে ৷ অগ্নিকাণ্ডটোৰ ফলত এটা চিলিণ্ডাৰৰ বিস্ফোৰণ ঘটে ৷ অগ্নিকাণ্ডটোত নিমিষতে জাহ যায় তিনিটাকৈ পৰিয়ালৰ বাসগৃহ ৷

বৰ্তমান যোৰহাটৰ অগ্নি নিৰ্বাপন বাহিনীৰ তিনিখন বাহন ঘটনাস্থলীত উপস্থিত হৈ জুই নিৰ্বাপন কৰিবলৈ সক্ষম হৈছে ৷ অগ্নিকাণ্ডৰ ফলত বাসগৃহকেইটাৰ লগতে প্ৰায় লক্ষাধিক টকাৰ সা-সামগ্ৰী জুইত জাহ যায় ৷

লগতে পঢ়ক:প্ৰাপ্য অধিকাৰৰ দাবীত লাইকা-দধিয়াবাসীৰ সংবাদমেল