টীয়ক, 28 আগষ্টঃ টীয়কৰ কাকজান নদীৰ বানে ছিগা অংশই বিপদ মাতিছে বৃহত্তৰ কাকজান ঢাৰিগাওঁ পথাৰলৈ । সুঁতি সলাইছে কাকজন নদীয়ে । ঢাৰিগাঁও অঞ্চলৰ কেইবাটাও অঞ্চলত নদীৰ বান্ধ ছিগাৰ ফলত ঢাৰিগাওঁ পথাৰৰ মাজেৰে বৈ যোৱা সুঁতিয়ে অঞ্চলৰ বহু কৃষি ভূমিৰ অনিষ্ট কৰিছে ফলত কৃষকসকলৰ মাজত হাহাকাৰ অৱস্থাৰ সৃষ্টি হৈছে ।
ইপিনে নদীখনে সুঁতি সলোৱাৰ ফলত পথাৰখনৰ দ’ অংশ এতিয়া পিতনিলৈ পৰ্যবেসিত হৈছে । ৰাইজে জনপ্ৰতিনিধি তথা পঞ্চায়তক বাৰম্বাৰ অনুৰোধ জনোৱাৰ পাছতো কোনো ফল পোৱা নাই । অৱশ্যে এই দীৰ্ঘদিনীয়া সমস্যাটো ৰাইজে শ্ৰম দানেৰে কেইবাবাৰো সমাধান কৰিবলৈ চেষ্টা কৰিছিল যদিও সফল নহ'ল । সেয়ে অনতি পলমে নদীখন খনন আৰু বান্ধটো পুনৰ কটকটীয়াকৈ নিৰ্মাণৰ বাবে দাবী জনাইছে ভুক্তভোগী ৰাইজে বিহিত ব্যৱস্থা গ্ৰহণ নকৰিলে প্ৰতিনিধিসকলৰ বিৰুদ্ধে তীব্ৰ আন্দোলন গঢ়ি তুলাৰ হুংকাৰ প্ৰদান কৰে ৷
লগতে পঢ়কঃএয়াৰটেলৰ উপভোক্তাসকলৰ বাবে দুঃখবৰ
