অখিল গগৈৰ মাতৃৰ বিয়োগ বুলি সামাজিক মাধ্যমত ভুৱা প্ৰচাৰ একাংশৰ

বুধবাৰে ৰাতিপুৱাৰ ভাগত একাংশই সামাজিক মাধ্যমত কৃষক নেতা অখিল গগৈৰ মাতৃ প্ৰিয়দা গগৈৰ মৃত্যু হোৱা বুলি ভুৱা প্ৰচাৰ চলাই আছে ৷ যি একেবাৰে ভিত্তিহীন বুলি হাস্পতালখনৰ চিকিৎসক আৰু অধিবক্তা সুদীপ্ত গোস্বামীয়ে প্ৰকাশ কৰিছে ৷

যোৰহাট, 10 ফেব্ৰুৱাৰী: জেএমচিএইচৰ আই চি ইউত চিকিৎসাধীন হৈ থকা কৃষক নেতা অখিল গগৈৰ মাতৃ প্ৰিয়দা গগৈৰ বিয়োগ সম্পৰ্কে চ'চিয়েল মিডিয়াত ভুৱা প্ৰচাৰ ৷ বুধবাৰে ৰাতিপুৱাৰ ভাগত একাংশই সামাজিক মাধ্যমত কৃষক নেতা গৰাকীৰ মাতৃৰ মৃত্যু হোৱাৰ এক ভুৱা প্ৰচাৰ চলাই আছে ৷ কিন্তু হাস্পতালখনৰ চিকিৎসক আৰু অধিবক্তা সুদীপ্ত গোস্বামীয়ে জনোৱা মতে বৰ্তমানেও সুস্থিৰ অৱস্থাত আছে মাতৃ গৰাকী ৷

উল্লেখ্য যে, মঙলবাৰে পুৱাৰ ভাগত যোৰহাট চিকিৎসা মহাবিদ্যালয়ত ভৰ্তি কৰোৱা হৈছিল অখিল গগৈৰ মাতৃক ৷ হঠাতে অসুস্থ হৈ পৰা মাতৃ গৰাকীক চিকিৎসালয়ত ভৰ্তি কৰোৱা হয় ৷ কিছু শাৰীৰক বিসংগতিৰ বাবে আই চি ইউত ৰাখি চিকিৎসা প্ৰদান কৰি থকা হৈছে বুলি হাস্পতালখনৰ চিকিৎসকে জানিবলৈ দিয়ে ৷

লগতে পঢ়ক:কাইলৈৰ পৰা বিধানসভাৰ অধিবেশনঃ দাখিল নহ'ব পূৰ্ণাংগ বাজেট