যোৰহাট, 10 অক্টোবৰ : যোৰহাটত ভুৱা চি বি আই বিষয়া আটক ৷ যোৰহাটৰ আই এচ বি টিৰ পৰা আটক কৰে ভুৱা চি বি আই অফিচাৰটোক ৷ যোৰহাটৰ বালিগাঁৱৰ এগৰাকী মহিলাক প্ৰেমৰ জালত পেলাই পলুৱাই নিয়াৰ চেষ্টা কৰোতেই আৰক্ষীয়ে কৌশলেৰে আটক কৰে লোকজনক ৷ আটাকাধীন যুৱকজনৰ নাম জয়ন্ত কৰ আৰু ঘৰ বংগৰ গোবিন্দপুৰৰ উত্তৰ বাৰেলীৰ কুৰেৰ মাৰ্গত ৷
যোৰহাট আৰক্ষীৰ জালত ভুৱা চি বি আই বিষয়া জয়ন্তই মহিলাগৰাকীক নিজকে ৰাজদ্বীপ অবেৰায় আৰু ঘৰ বেগালুৰুত বুলি কৈছিল ৷ ইয়াৰ লগতে নিজকে এজন চি বি আই অফিচাৰ আৰু ৭০ হাজাৰ টকা দৰমহা পায় বুলি আভুৱা ভাৰিছিল ৷ শনিবাৰে নিশা দুয়ো পলাই যোৱাৰ কথা আছিল আৰু সেই কথা জানিব পাৰি পৰিয়ালৰ লোকে আৰক্ষীক খবৰ দিয়ে ৷ লগে লগে আৰক্ষীয়ে জয়ন্ত কৰক আই এছ বি টিৰ পৰা আটক কৰে ৷ আনহাতে যোৰহাট আৰক্ষীয়ে জয়ন্তক মানৱ দেহ সৰবৰাহৰ লগত জড়িত থকাৰ সন্দেহ কৰিছে ৷
