টীয়ক, 29 জুলাই :মঙলবাৰে ইটিভি ভাৰতযোগে প্ৰচাৰিত এক বাতৰিত উল্লেখিত অনুসৰি,যোৰহাটৰ টীয়কৰ বৰালিমৰাৰ বিকল শ্লুইছ গেটখনৰ বাবে বৃহত্তৰ ঘোৰাচৰাবাসীয়ে যন্ত্ৰণাময় জীৱন কটাবলগীয়া হৈছে । সমগ্ৰ জুলাই মাহটো জলবন্দী হৈ আছে অঞ্চলবাসী। আৱাসগৃহ পানীৰ তলত,কৃষিভূমিও জলমগ্ন, যাতায়াতৰ একমাত্ৰ গড়কপ্তানী পথটো দীৰ্ঘদিন ধৰি পানীৰ তলতে ডুব গৈ আছে ।
বিকল শ্লুইছ গেটৰ মুকলিৰ কাম আৰম্ভ
ইয়াৰোপৰি,অঞ্চলটোৰ মৎস্য পালকসকলৰ পুখুৰীৰ মাছসমূহ বাঢ়নী পানীত ওলাই যোৱাৰ ফলত বৃহৎ ক্ষতিৰ সন্মুখীন হৈছে মৎস্যপালকসকল । আনহাতে, বৰালিমৰাৰ শ্লুইছ গেটখন দীৰ্ঘদিন ধৰি বিকল আৰু গেটখনৰ সন্মুখভাগ পলসে পুতি পেলোৱাৰ ফলত নদীৰ বাঢ়নী পানীয়ে অঞ্চলটো বুৰাই পেলায় ।