যোৰহাট, 23 আগষ্ট : বুধবাৰে নিশা যোৰহাটৰ এজন সুৰামত্ত যুৱকে কৰ্তব্যৰত আৰক্ষীক কৰা অভব্য আচৰণে সমগ্ৰ জিলাখনতে প্ৰতিক্ৰিয়াৰ সৃষ্টি কৰিছে । ঘটনাৰ বিবৰণি অনুসৰি বুধবাৰে নিশা ৰাজা বাইলুঙ নামৰ যুৱকজনৰ গ্ৰেণ্ড আই টেন গাড়ীখনৰ সৈতে এজন বাইক আৰোহীৰ দুৰ্ঘটনা হয় । দুৰ্ঘটনাৰ খবৰ লাভ কৰাৰ লগে লগে যোৰহাট যান বাহন আৰক্ষী ঘটনাস্থলীত উপস্থিত হয়। আৰক্ষী উপস্থিত হোৱাৰ লগে লগে মাতাল অৱস্থাত থকা ৰাজা বাইলুঙ নামৰ যুৱকজনে বিভিন্ন অশ্লীল ভাষাৰে গালি দিয়ে যান বাহন আৰক্ষী বিষয়া প্ৰদীপ বুঢ়াগোঁহাইক । প্ৰদীপ বুঢ়াগোঁহাইয়ে ঘটনাৰ সন্দৰ্ভত আৰক্ষী চকীত ২১৬৭/১৯ নম্বৰ ধাৰা ২৯৪/৩৫৩ গোচৰ ৰুজু কৰে ।
কৰ্তব্যৰত আৰক্ষীক দুৰ্ব্যৱহাৰ মাতাল যুৱকৰ
যান বাহন আৰক্ষী বিষয়াক অশ্লীল গালি ৰাজা বাইলুঙ নামৰ যুৱকজনৰ ৷ ঘটনাৰ এটা ভিডিঅ' ভাইৰেল হোৱাৰ পাছতেই সৰ্বত্ৰ সৃষ্টি হয় তীব্ৰ প্ৰতিক্ৰিয়াৰ ৷
কৰ্তব্যৰত আৰক্ষীক দুৰ্ব্যৱহাৰ মাতাল যুৱকৰ
ৰাজা বাইলুঙক ঘটনাৰ সন্দৰ্ভত আটক কৰি যোৰহাট সদৰ থানাৰ যান-বাহন আৰক্ষী বিষয়া কাৰ্যালয়লৈ অনা হয় যদিও যুৱকজনক পাছত আৰক্ষীয়ে এৰি দিয়ে । কিন্তু সমগ্র ঘটনাৰ এটা ভিডিঅ' ভাইৰেল হোৱাৰ পাছত যুৱকজনৰ আৰক্ষীয়ে মুকলি কৰি দিয়াক লৈ সমগ্র চহৰখনত ৰহস্য সৃষ্টি হয় । আনহাতে ভিডিঅ'টো ভাইৰেল হোৱাৰ পাছতেই যান-বাহন বিষয়াগৰাকীয়ে আৰক্ষী ওচৰত গোচৰ ৰুজু কৰে যদিও আৰক্ষীয়ে বৰ্তমানলৈ কোনো শুংসুত্ৰ উলিয়াব পৰা নাই ৰাজা বাইলুঙৰ ।
Last Updated : Aug 23, 2019, 6:38 AM IST