যোৰহাটৰ পথাৰত ছিৰাল ফাট

ৰাজ্যৰ বিভিন্ন প্ৰান্তত বলিয়া বানে সপোনৰ ঘৰখন উটুৱাই নিয়াৰ পাচত ভয়ংকৰ সমস্যাৰূপে দেখা দিছে খৰাঙে ৷ শাওনৰ পথাৰত ভৰপকৰ সময়ত উত্তৰ পশ্চিম ঢেকৰগড়া উন্নয়ন খণ্ডৰ অন্তৰ্গত গৰখীয়া দল অঞ্চলৰ ভবালীচুকৰ আইকৰি পথাৰৰ বিঘা বিঘা কৃষি ভূমি খৰাঙৰ কৱলত

যোৰহাট, 14 আগষ্টঃ ৰাজ্যৰ বানৰ বিভীষিকাৰ পাচত এতিয়া ঠায়ে ঠায়ে খৰাঙৰ ভয়াৱহতা । যোৰহাটৰ পথাৰত মেলিছে ছিৰাল ফাট । চিন্তিত কৃষক ৰাইজ ৷ ৰাজ্যৰ বিভিন্ন প্ৰান্তত বলিয়া বানে সপোনৰ ঘৰখন উটুৱাই নিয়াৰ পাচত ভয়ংকৰ সমস্যাৰূপে দেখা দিছে খৰাঙে ৷ শাওনৰ পথাৰত ভৰপকৰ সময়ত উত্তৰ পশ্চিম ঢেকৰগড়া উন্নয়ন খণ্ডৰ অন্তৰ্গত গৰখীয়া দল অঞ্চলৰ ভবালীচুকৰ আইকৰি পথাৰৰ বিঘা বিঘা কৃষি ভূমি খৰাঙৰ কৱলত । যাৰফলত বহু কৃষকে মূৰে কপালে হাত দিবলগীয়া অৱস্থা । প্ৰকৃতিৰ ওপৰতে ভৰষা কৰা এইসকল খেতিয়কৰ মতে জলসিঞ্চন বিভাগে বিভিন্ন আঁচনি আছে যদিও কোনো ব্যৱস্থা গ্ৰহণ কৰা নাই বিভাগটোৱে । যাৰ বাবে মুৰে-কপালে হাত দিবলগীয়া অৱস্থা কৃষক ৰাইজৰ ৷ আনহাতে, উত্তৰ-পশ্চিম যোৰহাটৰ মালৌখাত,মালৌপাম,ৰান্ধনী জান,কেৰিমেৰী আদি অঞ্চলৰ বহু হেক্টৰ কৃষি ভূমি ভৌগদৈ নদীৰ বালিয়ে পুতি পেলায় ৷