যোৰহাট,13 মে’: বুধবাৰে যোৰহাটত এগৰাকী ক’ভিড আক্ৰান্ত প্ৰসূতিয়ে 108 মৃত্যুঞ্জয় এম্বুলেঞ্চত এটি কন্যাসন্তান প্ৰসৱ কৰে ৷ প্ৰাপ্ত তথ্য অনুসৰি, ক’ভিড আক্ৰান্ত প্ৰসূতি গৰাকী যোৰহাটৰ ভগামুখৰ চিন্তামনি গড়ৰ জোনালী শইকীয়া ৷
এম্বুলেঞ্চতে ক’ভিড আক্ৰান্ত প্ৰসূতিয়ে জন্ম দিলে কন্যাসন্তান
প্ৰসূতি গৰাকীক 108 সেৱাযোগে যোৰহাট চিকিৎসা মহাবিদ্যালয়ত ভৰ্তি কৰিবলৈ লৈ অহাৰ সময়তে এম্বুলেঞ্চখনতে মহিলাগৰাকীয়ে সন্তানটি প্ৰসৱ কৰে ৷ উল্লেখ্য যে, অতি সীমিত সা-সুবিধাৰ মাজেৰে 108 ৰ স্বাস্থ্যকৰ্মী সকলে সন্তানটি প্ৰসৱ কৰাৰ ক্ষেত্ৰত মহিলা গৰাকীক সহায় কৰে ৷