টীয়ক,8 ফেব্ৰুৱাৰী : যোৰহাট জিলাৰ 102 নং টীয়ক বিধানসভা সমষ্টিৰ কাকজানত সোমবাৰে অনুষ্ঠিত হয় কংগ্ৰেছৰ বুথ সন্মিলন । অনুষ্ঠানত মুখ্য অতিথি হিচাপে অংশগ্ৰহণ কৰে ছত্তিশগড়ৰ মুখ্যমন্ত্ৰী ভূপেশ বাঘেলে ৷ লগতে উপস্থিত থাকে প্ৰদেশ কংগ্ৰেছৰ সভাপতি ৰিপুণ বৰাকে ধৰি বহু কংগ্ৰেছী নেতা ৷ এই সন্মিলনত ভাগ লয় সমষ্টিটোৰ 171 টা বুথৰ প্ৰায় চাৰি সহস্ৰাধিক কংগ্ৰেছ কৰ্মী ৷
কাকজানত কংগ্ৰেছৰ বুথ সন্মিলনত ছত্তিশগড়ৰ মুখ্যমন্ত্ৰী
বিজেপিৰ মিথ্যাচাৰ আৰু ভ্ৰষ্টাচাৰৰ বিৰুদ্ধে মাৰ বান্ধি থিয় হৈ সমাগত নিৰ্বাচনত সকলোকে একগোট হ’বলৈ আহ্বান জনায় ছত্তিশগড়ৰ মুখ্যমন্ত্ৰী গৰাকীয়ে ৷ আনহাতে, দিল্লীৰ কৃষক বিদ্ৰোহ অতি দুৰ্ভাগ্যজনক বুলি কৈ কেন্দ্ৰীয় চৰকাৰক সমালোচনা কৰে মুখ্যমন্ত্ৰী বাঘেলে ।