মৰিয়নীত দুর্গা বন্দনাৰে সমাপ্ত বিজেপিৰ নিৰ্বাচনী প্ৰচাৰ

প্ৰথম পৰ্যায়ৰ লোকসভা নিৰ্বাচনৰ প্ৰচাৰৰ আজি অন্তিম দিন । প্ৰাক্তন বিধায়ক আলোক কুমাৰ ঘোষৰ নেতৃত্বত জীৱন্ত দেৱী দুৰ্গাৰ মানৱ মূৰ্ত্তি সজাই এক বিশাল সমদলেৰে মৰিয়নীৰ আটাইকেইটা ৱাৰ্ড পৰিভ্ৰমণ কৰে দলটোৱে ৷

মৰিয়নী,9 এপ্ৰিলঃ মৰিয়নীত দেৱী দুর্গাৰ বন্দনাৰে সমাপ্ত বিজেপিৰ নিৰ্বাচনী প্ৰচাৰ ৷ আজি মৰিয়নীত এক বিশাল সমদলেৰে প্ৰচাৰ অভিযানৰ সামৰণি পেলায় বিজেপি দলে । প্ৰথম পৰ্যায়ৰ লোকসভা নিৰ্বাচনৰ প্ৰচাৰৰ আজি অন্তিম দিন । প্ৰাক্তন বিধায়ক আলোক কুমাৰ ঘোষৰ নেতৃত্বত জীৱন্ত দেৱী দুৰ্গাৰ মানৱ মূৰ্ত্তি সজাই এক বিশাল সমদলেৰে মৰিয়নীৰ আটাইকেইটা ৱাৰ্ড পৰিভ্ৰমণ কৰে দলটোৱে ৷ শতাধিক মটৰ চাইকেল আৰু বেটেৰি চালিত বাহনেৰে প্ৰায় পাঁচ শতাধিক লোকে অংশ লয় এই সমদলত । বিজেপিৰ এই সমদলে তপন গগৈৰ বিজয় সুনিশ্চিত কৰি আগতীয়াকৈ পতা বিজয় উৎসৱ বুলি মন্তব্য কৰে প্ৰাক্তন বিধায়কগৰাকীয়ে ৷