টীয়ক, 9 জুলাই: আৰক্ষী থানাৰ সন্মুখতে নাই যান-বাহনৰ নিৰাপত্তা ৷ এইবাৰ থানাৰ সন্মুখৰ পৰাই চুৰিকাৰ্য চলাই গৈছে চোৰে ৷ চাকৰি বিচাৰি হাবাথুৰি খোৱা এহাল যুৱক এতিয়া টীয়ক আৰক্ষী থানাত (Teok Police Station) হাবাথুৰি খাবলগীয়া হৈছে নিজৰ হেৰোৱা বাইক বিচাৰি ।
আৰক্ষী থানাৰ সন্মুখৰ পৰাই বাইক লৈ উধাও চোৰ
অসম চৰকাৰৰ চাকৰিৰ আবেদন অনলাইনত পুৰাবৰ বাবে টীয়কৰ বনাই ৰবি বৰুৱা গাঁৱৰ যুৱক হেমন্ত বৰুৱাৰ পুত্ৰ অৰিন্দম বৰুৱাই চুপাৰ স্প্লেণ্ডাৰ মটৰচাইকেলখনত বন্ধু শান্তনু বৰুৱাক লৈ হেপাহেৰে আহিছিল টীয়ক নগৰলৈ (Bike stolen from Teok) । নগৰৰ চেলেংহাট পথৰ দাঁতিত AS-03-AA-7055 নম্বৰৰ মটৰচাইকেলখন ৰখাই এখন কেফেত দুই বন্ধুৱে অনলাইন কৰাত ব্যস্ত হৈ পৰিল ।