টীয়ক, ১০ মে': শিশু শ্ৰমিক আৰু বাল্য বিবাহৰ সম্পৰ্কে ৰাইজক সজাগ কৰাৰ অৰ্থে যোৰহাট জিলা প্ৰশাসনৰ বিশেষ পদক্ষেপ । যোৰহাট জিলা প্ৰশাসনৰ উদ্যোগত তথা স্থানীয় ৰাইজৰ সহযোগত শিশু শ্ৰমিক আৰু বাল্য বিবাহ প্ৰতিৰোধৰ সম্পৰ্কে সোমবাৰে টীয়কৰ ৯ নং বলমা গাঁও পঞ্চায়তৰ কাৰ্যালয়ৰ সভাগৃহত অনুস্থিত কৰা হয় এখনি সজাগতা সভা(Awareness meeting on child labour and child marriage in Teok) ।
সভাখনত কেইবাগৰাকীও বিশিষ্ট ব্যক্তি উপস্থিত থাকি শিশু শ্ৰমিক আৰু বাল্য বিবাহৰ সম্পৰ্কে ৰাইজক সজাগ কৰাৰ লগতে ইয়াৰ বিৰুদ্ধে থকা বিভিন্ন আইনী ব্যৱস্থা, সামাজিক ব্যৱস্থা তথা এই লৈ ৰাইজৰ কৰণীয়ৰ ওপৰত মন্তব্য আগবঢ়ায় ।
লগতে কোনো অঞ্চলত এনে পৰিস্থিতিৰ সৃষ্টি হ'লে তাৎক্ষণিকভাৱে জিলা প্ৰশাসনৰ লগত যোগাযোগ কৰিবলৈ আহ্বান জনোৱা হয় সজাগতা সভাখনত । সমাজ কল্যাণ বিভাগৰ দায়িত্বত থকা যোৰহাট জিলাৰ অতিৰিক্ত উপায়ুক্ত কবিতা কাকতিৰ সভাপতিত্বত অনুস্থিত সজাগতা সভাখনত অংশগ্ৰহণ কৰে জিলা সমাজ কল্যাণ বিষয়া ৰাজ কুমাৰ কেডিয়া, জিলা সহকাৰী শ্ৰম আয়ুক্ত জগত জীৱন দত্ত, পূব যোৰহাট খণ্ড প্ৰাথমিক শিক্ষা বিষয়া পমলী টেৰংপী, জিলা শিশু কৈল্যাণ সমিতিৰ সদস্যা ডা: কৃষ্ণা বৰুৱা পাটগিৰি, সৰ্ব শিক্ষা অভিযানৰ বিষয়া মেঘালী কাকতিকে আদি কৰি ভালেসংখ্যক গণ্যমান্য ব্যক্তি ।
লগতে পঢ়ক:ব্যৰ্থতা ঢাকিবলৈ বৰ্ষপুৰ্তিৰ আয়োজন: প্ৰাক্তন মন্ত্ৰী এতোৱা মুণ্ডাৰ
