যোৰহাট , ২৩ অক্টোবৰ: "সাকো" সাংস্কৃতিক শিল্পী সমাজ নামৰ সমাজিক সংস্থাটোৱে মাজুলী আউনিআটী সত্ৰৰ সত্ৰাধিকাৰ ড৹ পীতাম্বৰ দেৱ গোস্বামীক "সমাজ সূৰ্য্য বঁটা" প্ৰদান (Pitambar Dev Goswami conferred with Samaj Suryar) কৰে । যোৰহাট বিজ্ঞান আৰু তাৰকা গৃহৰ (Jorhat Science and Planetarium) প্ৰেক্ষাগৃহত শণিবাৰে সন্ধিয়া সাকো সাংস্কৃতিক শিল্পী সমাজে অনুষ্ঠিত কৰা এক আধ্যাত্মিক অনুষ্ঠান ভক্তি প্ৰদীপত এই বঁটা প্ৰদান কৰা হয় ।
উল্লেখ্য় যে সমাজ জীৱনলৈ অৱদান আগবঢ়োৱা অৱদানৰ বাবে কেইজনমান বিশেষ ব্যক্তিক সন্মান জনোৱাৰ উপৰিও বঁটা আৰু উপাধি প্ৰদান (awards and titles conferred by Sako) কৰি আহিছে এই সংস্থাটোৱে । উক্ত অনুষ্ঠানতে প্ৰতিদিন টাইমৰ মুখ্য সম্পাদক নিতুমণি শইকীয়াক "অগ্নিকণ্ঠ'' উপাধি প্ৰদান (Nitumani Saikia conferred title of 'Agnikantha') কৰা হয় । ইয়াৰ উপৰি অসম মহিলা বিশ্ববিদ্যালয়ৰ উপাচাৰ্য (Vice Chancellor of Assam Women's University) ড৹ অজন্তা বৰগোঁহাই ৰাজকোঁৱৰক "সাকো জ্ঞান ৰত্ন","সাকো দীনবন্ধু" জগত চন্দ্ৰ হাজৰিকাক,"শিল্পৰত্ন" পংকজ বৰুৱা গায়নক আৰু বৈষ্ণৱ সাহিত্য ৰত্ন লক্ষীৰাম দুৱৰাক বঁটা প্ৰদান কৰা হয় । অতি আধ্যাত্মিক ভাবে অনুষ্ঠিত কৰা এই অনুষ্ঠানত উন্মোচন কৰা হয় "সাকো" নামেৰে এখনি স্মৃতিগ্ৰন্থ ।