অসম মহিলা বিশ্ববিদ্যালয়ত উৎসৱমুখৰ পৰিৱেশ

নতুন উপাচাৰ্য নিযুক্তিৰে উৎসৱমুখৰ পৰিৱেশ অসম মহিলা বিশ্ববিদ্যালয়ত৷ বহু প্ৰতিবাদৰ অন্তত ৰাজ্য চৰকাৰৰ উচ্চ শিক্ষা বিভাগে ডঃ মালিনী গোস্বামীক বিশ্ববিদ্যালয়খনৰ নতুন উপাচাৰ্য হিচাপে নিযুক্তি দিয়ে ৷

যোৰহাট,13 চেপ্তেম্বৰঃ নিযুক্তি দিয়া হ’ল অসম মহিলা বিশ্ববিদ্যালয়ৰ নতুন উপাচাৰ্য| তাকে লৈ বিশ্ববিদ্যালয়খনত সৃষ্টি হৈছে উৎসৱমুখৰ পৰিৱেশ৷ ২০১৪ চনৰ ১১ ছেপ্টেম্বৰৰ দিনা প্ৰাক্তন মুখ্যমন্ত্ৰী তৰুণ গগৈয়ে দুৱাৰ মুকলি কৰিছিল বিশ্ববিদ্যালয়খনৰ৷ প্ৰতিষ্ঠাকালৰে পৰা স্থায়ী উপাচাৰ্য নোহোৱাকৈয়ে বিশ্ববিদ্যালয়খনৰ চাৰিটাকৈ ছাত্ৰীৰ বেট্চ ওলাই গৈছে৷ বহু প্ৰতিবাদৰ অন্তত
ৰাজ্য চৰকাৰৰ উচ্চ শিক্ষা বিভাগে ডঃ মালিনী গোস্বামীক বিশ্ববিদ্যালয়খনৰ নতুন উপাচাৰ্য হিচাপে নিযুক্তি দিয়ে৷ উল্লেখযোগ্য যে ডঃ মালিনী গোস্বামী গুৱাহাটী বিশ্ববিদ্যালয়ৰ অসমীয়া বিভাগৰ মুৰব্বী৷

নতুন উপাচাৰ্যৰ নিযুক্তিৰে অসম মহিলা বিশ্ববিদ্যালয়ে অসমৰ শিক্ষা ক্ষেত্ৰখনত অগ্ৰণী ভূমিকা গ্ৰহণ কৰিব বুলি সকলো আশাবাদী৷