টীয়ক,ধেমাজি,শিৱসাগৰত অসম বন্ধৰ সৰ্বাত্মক প্ৰভাৱ

টীয়ক,ধেমাজি,শিৱসাগৰ অসম বন্ধৰ সৰ্বাত্মক প্ৰভাৱ ৷ বন্ধ সমৰ্থক সকলে টায়াৰ জ্বলাই প্ৰতিবাদ সাব্যস্ত কৰে ৷ পুৱাই টীয়কৰ ৰাজপথত জ্বলিল টায়াৰ ৷ ধেমাজিত টায়াৰ জ্বলাই প্ৰতিবাদ সদৌ অসম চুতীয়া ছাত্ৰ সন্থাৰ ৷ শিৱসাগৰৰ বিভিন্ন স্থানত টায়াৰ জ্বলাই পথ অৱৰোধৰ চেষ্টা প্ৰতিবাদকাৰীৰ ৷

টীয়ক, ডিচেম্বৰঃ সোমবাৰে পুৱাই টীয়কৰ ৰাজপথত জ্বলিল টায়াৰ ৷ চুতীয়া ছাত্ৰ সন্থাই আহ্বান জনোৱা অসম বন্ধৰ ফলস্বৰূপে টীয়কৰ ৰাজপথত টায়াৰ জ্বলাই প্ৰতিবাদ একাংশ বন্ধ সমৰ্থকৰ ৷ টীয়কৰ জ্যোতি বিদ্যাপীঠৰ সন্মুখত টায়াৰ জ্বলাই চৰকাৰ বিৰোধী শ্ল'গান দি পৰিৱেশ উত্তাল কৰাৰ লগতে বন্ধৰ সময়ত চলা যান-বাহন বাধা দিয়ে বন্ধ সমৰ্থক সকলে। আনহাতে,প্ৰতিবাদকাৰীক নিয়ন্ত্ৰণ কৰিবলৈ ঘটনাস্থলীত উপস্থিত হয় টীয়ক আৰক্ষী ৷

লগতে চাওকঃঅৰুণাচলীৰ দখলত বিহালী বনাঞ্চল

ধেমাজি, 9 ডিচেম্বৰঃধেমাজিত বন্ধৰ সৰ্বাত্মক প্ৰভাৱ পৰা দেখা গ'ল পুৱাৰ পৰা ৷ টায়াৰ জ্বলাই প্ৰতিবাদ সদৌ অসম চুতীয়া ছাত্ৰ সন্থাৰ কৰ্মীৰ ৷ সংগঠনটোৱে আহ্বান জনোৱা 12 ঘন্টীয়া অসম বন্ধৰ সময়চোৱাত প্ৰতিবাদমুখৰ হৈ পৰিছে সমগ্ৰ ধেমাজি ৷

আৰু চাওকঃমাজুলীত সামুহিক পদত্যাগ অগপ কৰ্মীৰ

শিৱসাগৰ, 9 ডিচেম্বৰঃ নাগৰিকত্ব সংশোধনী বিধেয়ক বাতিলৰ দাবীত বৃহত্তৰ অসমীয়া যুৱ মঞ্চ,সদৌ অসম চুতীয়া ছাত্ৰ সন্থা, সদৌ অসম কোছ ৰাজবংশী ছাত্ৰ সন্থাৰ আহ্বানত আৰু বীৰ লাচিত সেনা,কৃষক মুক্তি সংগ্ৰাম সমিতিৰ আদি বিভিন্ন দল-সংগঠনৰ সমৰ্থনত আহ্বান কৰা অসম বন্ধত স্তব্ধ হৈ পৰিছে শিৱসাগৰ । সোমবাৰে পুৱাৰে পৰা প্ৰতিবাদকাৰীসকলে বন্ধ সফল কৰাৰ বাবে বিভিন্ন স্থানত টায়াৰ জ্বলাই পথ অৱৰোধৰ চেষ্টা কৰে । উল্লেখ্য যে, উপৰোক্ত দল-সংগঠনে ১২ ঘণ্টীয়া বন্ধৰ আহবান কৰাৰ বিপৰীতে মৰাণ ছাত্ৰ সন্থাই সোমবাৰৰ পৰা ৪৮ ঘণ্টীয়া বন্ধৰ আহ্বান জনাই ।

লগতে পঢ়কঃকলিয়াবৰত মুখ্যমন্ত্ৰীক ক’লা পতাকা প্ৰদৰ্শন অসম জাতীয়তাবাদী যুৱ ছাত্ৰ পৰিষদৰ