টীয়ক, 19 মেঃ মহাপুৰুষ মাধৱদেৱৰ জন্মোৎসৱ উপলক্ষে ৰাজ্যৰ বিভিন্ন প্ৰান্তৰ লগতে মহাপুৰুষ গৰাকীয়ে নিজ হাতে প্ৰতিষ্ঠা কৰা যোৰহাট জিলাৰ টীয়কৰ ঐতিহাসিক ঢেকীয়াখোৱা বৰনামঘৰতো মহাপুৰুষজনাৰ আবিৰ্ভাৱ তিথি পালন কৰা হয় ৷
দেওবাৰে পুৱাৰে পৰা বৰনামঘৰত অসমৰ ভিন্ন প্ৰান্তৰ ভকত বৈষ্ণৱৰ ভিৰ পৰিলক্ষিত হয় । জন্মোৎসৱ উপলক্ষে সকলোৱে গুৰুজনাৰ চৰণত সেৱা লৈ নামঘৰ পৰিচালনা সমিতিৰ উদ্যোগত আয়োজন কৰা ভাগৱত ভ্ৰমণত অংশগ্ৰহণ কৰে । প্ৰথমে গায়ন বায়নেৰে নামঘৰৰ চাৰিওকাষে ভাগৱত ভ্ৰমণ কৰি পৰৱৰ্ত্তী পৰ্যায়ত অসমীয়াৰ বাৰেৰহণীয়া কৃষ্টি-সংস্কৃতি সমৃদ্ধ এক সাংস্কৃতিক শোভাযাত্ৰা কৰে ।