CAA বাতিলৰ দাবীত যোৰহাটত আছুৰ প্ৰতিবাদ

২০২১ ৰ বিধানসভা নিৰ্বাচনৰ বাবে বিজেপিৰ দলীয় ইস্তাহাৰ মুকলি অনুষ্ঠানত কেন্দ্ৰীয় নেতা তথা বিজেপিৰ ৰাষ্ট্ৰীয় সভাপতি জে পি নাড্ডাই শীঘ্ৰে ৰাজ্যত কা' বলৱৎ হ’ব বুলি ঘোষণা কৰিছিল । তাৰপিছতে জাঙুৰ খাই উঠিছে ৰাজ্যৰ দল-সংগঠন ৷ বুধবাৰে আছুই সাব্যস্ত কৰে প্ৰতিবাদ ৷

যোৰহাট,24 মাৰ্চঃ সমাগত বিধানসভা নিৰ্বাচনৰ প্ৰচাৰৰ সময়তে মঙলবাৰে বিজেপিৰ ৰাষ্ট্ৰীয় সভাপতি জে পি নাড্ডাই নাগৰিকত্ব সংশোধনী আইন বলৱৎ কৰাৰ কথা ঘোষণা কৰাৰ পাছতেই জাঙুৰ খাই উঠিছে সদৌ অসম ছাত্র সন্থা । ২০২১ ৰ বিধানসভা নিৰ্বাচনৰ বাবে বিজেপিৰ দলীয় ইস্তাহাৰ মুকলি অনুষ্ঠানত কেন্দ্ৰীয় নেতা তথা বিজেপিৰ ৰাষ্ট্ৰীয় সভাপতি জে পি নাড্ডাই শীঘ্ৰে ৰাজ্যত কা' বলৱৎ হ’ব বুলি ঘোষণা কৰিছিল ।

তাৰপিছতে অসমীয়া খিলঞ্জীয়া ৰাইজ তথা বিভিন্ন অৰাজনৈতিক দল-সংগঠনে নিবিচাৰিলেও সংশোধিত নাগৰিকত্ব আইন বলৱৎ কৰিব বিচৰা বিজেপিৰ বিৰূদ্ধে প্ৰতিবাদী কাৰ্যসূচী গ্ৰহণ কৰা দেখা গৈছে সংগঠনসমূহে । বুধবাৰে যোৰহাটৰ জিলা উপায়ুক্তৰ কাৰ্যালয়ৰ সন্মুখত ১১ ঘণ্টীয়া অৱস্থান ধৰ্মঘটৰে প্ৰতিবাদ সাব্যস্ত কৰে যোৰহাট আছুই ।

লগতে পঢ়কঃ ৮ এপ্ৰিলত অনুষ্ঠিত হ'ব ডিব্ৰুগড় বিশ্ববিদ্যালয়ৰ নিৰ্বাচন