যোৰহাট, 8 মাৰ্চঃ কঠোৰ জীৱন সংগ্ৰামত থমকি নোৰোৱা এগৰাকী মহিলা ৷ পুৰুষতকৈও সুন্দৰ আৰু নিয়াৰিকৈ কৰিব পাৰে তেওঁ কঠিন কাম ৷ বিগত 23 বছৰৰ পৰা সাধাৰণতে পুৰুষৰ বৃত্তিৰ অন্তৰ্গত ৰাজ মিষ্ট্ৰীৰ দৰে কঠিন কাম অনায়াসে কৰি আহিছে মহিলাগৰাকীয়ে ৷ ৫৩ বছৰীয়া এই মহিলা গৰাকী যোৰহাটৰ ৰজাবাৰী চেকনীধৰা অঞ্চলৰ নিবাসী অনিমা দত্ত ৷ অনীমা দত্তই বৰ্তমানলৈকে নিজ হাতে নিৰ্মাণ কৰিছে বহু পকী ঘৰ আৰু অট্টালিকা ৷ স্বামীৰ দ্বাৰা অৱহেলিত হৈ কণ কণ দুই কন্যা সন্তানক লগত লৈ কঠোৰ জীৱন সংগ্ৰামত নামি পৰিছিল তেওঁ ৷ যাৰ বাবে 23 বছৰ আগতে মাত্ৰ 40 টকা দৈনিক হাজিৰাৰে তেওঁ জীৱন নিৰ্বাহৰ বাবে আৰম্ভ কৰিছিল এই কাম ৷ বৰ্তমন দুই সন্তানক শিক্ষিত কৰাৰ লগতে দুয়োকে বিয়াও দিলে অনিমাই ৷
জীৱন যুঁজত হাৰ নমনা এগৰাকী ব্যতিক্ৰমী মহিলা