যোৰহাট, 30 অক্টোবৰ : শনিবাৰে পুৱা 7 বজাৰ পৰা আৰম্ভ হৈছে পাঁচোটা সমষ্টিত উপ-নিৰ্বাচনৰ বাবে ভোটগ্ৰহণ ৷ আন আন সমষ্টিৰ সমান্তৰালকৈ মৰিয়নী সমষ্টিতো ভোটগ্ৰহণ কেন্দ্ৰৰ বাহিৰত দেখিবলৈ পোৱা গৈছে ভোটাৰৰ ভীৰ ৷ এইবাৰ সমষ্টিটোত 1,24,669 গৰাকী ভোটাৰে নিৰ্ণয় কৰিব চাৰিজন প্ৰাৰ্থীৰ ভাগ্য ৷
মৰিয়নী সমষ্টি উপ-নিৰ্বাচন : উন্নয়নৰ আশা লৈ ভোটকেন্দ্ৰ বাহিৰত ৰাইজ
সমষ্টিটো 183 টা ভোটগ্ৰহণ কেন্দ্ৰ স্থাপন কৰা হৈছে ৷ ক’ভিড প্ৰট’কল মানি কেন্দ্ৰকেইটাত ভোটগ্ৰহণৰ ব্যৱস্থা কৰা হৈছে ৷ ছয়মাহ পূৰ্বে এইসকল ভোটাৰে ৰূপজ্যোতি কুৰ্মীক 2446 টা ভোটত জয়যুক্ত কৰিছিল ৷ কিন্তু ৰূপজ্যোতি কুৰ্মীয়ে বিধায়ক পদ ত্যাগ কৰি বিজেপিত যোগদান কৰাৰ পিছতে সমষ্টিটো বিধায়ক শূণ্য হৈ পৰে ৷ যাৰবাবে সমষ্টিতটোত পুনৰ উপ নিৰ্বাচন অনুষ্ঠিত কৰা হৈছে ৷