অসম

assam

ETV Bharat / state

কপিলী কপিলী তই হৈ বাউলী বাৰিষাত মাৰিলি ধান : আকৌ কপিলীত বান ! - water levels of kopili river continue to increase

ৰাজ্যত বানৰ সংহাৰ অব্যাহত থকাৰ সময়তে এইবাৰ অশনি সংকেত কঢ়িয়াই আনিছে নীপকো জলবিদ্যুৎ প্ৰকল্পৰ বান্ধৰ পানীয়ে (Neepco releases excess water from Ranganadi hydroelectric plant) ৷ প্ৰৱল বৰষুণৰ ফলত নৈৰ জলস্তৰ বৃদ্ধি হৈ বিভিন্ন অঞ্চল বানে সংহাৰী ৰূপ ধাৰণ কৰি থকা সময়তে নীপকোৱে জলবিদ্যুৎ প্ৰকল্পৰ বান্ধ খুলি দিয়াৰ ফলত অধিক সংহাৰৰ আশংকা কৰা হৈছে ৷ বৃদ্ধি পাইছে কপিলী নৈৰ পানী । নিচিহ্ন হোৱাৰ দিশত অকান্তো নামৰ গাঁওখন ।

water levels of kopili river continue to increase
কপিলী কপিলী তই হৈ বাউলী বাৰিষাত মাৰিলি ধান

By

Published : Jun 16, 2022, 2:30 PM IST

হোজাই, 16 জুন :হোজাই জিলাৰ মাজেৰে বৈ যোৱা কপিলী নৈৰ বাঢ়নী পানীয়ে সংহাৰী ৰূপ ধাৰণ কৰিছে । বৃহস্পতিবাৰে দিনৰ ভাগৰ পৰা হোৰাহোৰে বৃদ্ধি পাব ধৰিছে কপিলী নৈৰ জলপৃষ্ঠ(Water levels of Kopili river continue to increase) । যিকোনো মূহুৰ্ততে কপিলী নৈৰ বাঢ়নী পানীৰ কৱলত পৰিব পাৰে হোজাই জিলাৰ বিস্তৃৰ্ণ অঞ্চল ৷ যাৰবাবে এতিয়া আতংকৰ মাজত সময় অতিবাহিত কৰিছে নৈ পৰীয়া ৰাইজে ৷

কপিলী কপিলী তই হৈ বাউলী বাৰিষাত মাৰিলি ধান

কপিলী নৈৰ বাঢ়নী পানীয়ে অশনি সংকেত কঢ়িয়াই আনিছে হোজাই জিলাৰ অকান্তো, তাইচুৱালী, ফৰমাপাৰ আদিকে ধৰি কেইবাখনো গাঁৱলৈ ৷ কপিলী নৈৰ গৰাখহনীয়াৰ ফলত যিকোনো মূহুৰ্তত নিঃশেষ হ’ব পাৰে অকান্তো নামৰ গাঁওখন । ইতিমধ্যে কপিলী নৈৰ গৰাখহনীয়াৰ কৱলত পৰি গাঁওখনৰ প্ৰায় আঠটা পৰিয়াল অন্য ঠাইলৈ যাবলগীয়া হৈছে ।

উল্লেখ্য যে, ৰাজ্যত মঙলবাৰৰ পৰা হোৱা নেৰানেপেৰা বৰষুণৰ ফলত নদীৰ জলস্তৰ বৃদ্ধি পোৱাত বিভিন্ন অঞ্চলত বানে সংহাৰী ৰূপ ধাৰণ কৰিছিল ৷ এনে সময়তে নীপকোৱে জলবিদ্যুৎ প্ৰকল্পৰ বান্ধ খুলি দিয়াৰ ফলত বৃদ্ধি পাব ধৰিছে কপিলী নৈৰ পানী(Neepco opens dam) । ইতিমধ্যে মাথাউৰিৰ প্ৰায় কাষ চাপিছে নৈৰ পানী । ফলত যিকোনো মূহুৰ্ততে মাথাউৰি ভাঙি বহু অঞ্চলত বান হোৱাৰ আশংকা কৰা হৈছে ৷

কপিলী কপিলী তই হৈ বাউলী বাৰিষাত মাৰিলি ধান

ইতিমধ্যেই হোজাই জিলা প্ৰশাসনৰ তৰফৰ পৰাও কপিলীপৰীয়া অঞ্চলসমূহলৈ সতৰ্কতা জাৰি কৰা হৈছে(High alert issued in Hojai) ৷ নৈপৰীয়া লোকসকলক নিৰাপদ স্থানলৈ স্থানান্তৰ হ’বলৈ মাইকযোগে জাননী জাৰি কৰিছে প্ৰশাসনে । বছৰৰ প্ৰথমটো বানেও কপিলীৰ বাঢ়নী পানীয়ে হোজাই আৰু কামপুৰত সংহাৰৰ সৃষ্টি কৰিছিল ৷

লগতে পঢ়ক :বানত বুৰিছে 18 খন জিলা : বিপগদ সীমাৰ ওপৰেৰে বৈছে মানাহ

ABOUT THE AUTHOR

...view details