হোজাই, 1 নৱেম্বৰঃ হোজাই মোৰাঝাৰত পথ মেৰামতিৰ দাবীত উত্তাল প্ৰতিবাদ । মুখ্যমন্ত্ৰী, গড়কপ্তানী মন্ত্ৰী মুৰ্দাবাদ ধ্বনিৰে ৰাজপথ কপালে ছাত্ৰ সমাজে ৷ মোৰাঝাৰ চৌধুৰী বজাৰ সংযোগী জৰাজীৰ্ণ পথ মেৰামতিৰ দাবীত এই প্ৰতিবাদ । ঠিকাদাৰে নানা অজুহাত দেখুৱাই পথটো মেৰামতি নকৰাত AIUDF দলৰ ভাতৃ সংগঠন UDSF য়ে সাব্যস্ত কৰিলে এই প্ৰতিবাদ । ২৪ ঘন্টাৰ ভিতৰতেই পথ মেৰামতিৰ কাম আৰম্ভ নকৰিলে ইয়াতকৈ ভয়াৱহ আন্দোলনৰ হুংকাৰ দিয়ে প্ৰতিবাদকৰীসকলে ।
আনহাতে, ডিব্ৰুগড়ৰ মৰাণ খোৱাঙৰ হালধীবাৰীত এটা গড়কাপ্তানি পথ মেৰামতিত ব্যাপক অনিয়ম সংঘটিত হোৱাৰ অভিযোগ তুলিছে ৰাইজে । যাৰ বাবে ক্ষোভিত ৰাইজে বন্ধ কৰি দিলে পথ মেৰামতিৰ কাম ৷ মৰিয়া আলিৰ পৰা দীঘলীয়া হোলা ব্লকলৈ পথটোৰ মেৰামতিত মাটি মিহলি শিল ব্যৱহাৰ কৰাৰ অভিযোগ উঠিছে ঠিকাদাৰৰ বিৰুদ্ধে । ১’১৫৩ কিলোমিটাৰ দৈৰ্ঘ্যৰ পথটো মেৰামতিৰ বাবে মুঠ পুঁজি আবণ্টন আছিল ৮৯’৭৭,৬৫৯’৩৭ টকা । ৰাষ্ট্ৰীয় গ্ৰাম্য পথ উন্নয়ণ মন্ত্ৰালয় ( ভাৰত চৰকাৰ) ৰে পুঁজি যোগান ধৰা পথটো মেৰামতিৰ দায়িত্ব লৈছে এচ, ই, কনশ্বটিয়ম নামৰ ঠিকাদাৰজনে । কিন্তু নিৰ্মাণৰত অৱস্থাত থকা পথটোত শেহতীয়াকৈ ঠিকাদাৰে মাটি মিহলি শিল ব্যৱহাৰ কৰি কাম অতি নিম্ন মানদণ্ডৰ কাম কৰা বুলি ক্ষোভিত হৈ পৰে । যাৰ পৰিপ্ৰেক্ষিতত শুকুৰবাৰে অঞ্চলটোৰ প্ৰায় শতাধিক পুৰুষ-মহিলা ওলাই আহি পথটোৰ কাম বন্ধ কৰি দিয়াৰ উপৰিও শিল ভৰ্তি ডাম্পাৰ ঘূৰাই পঠিয়াই ৷