উদালিত পানীত পৰি দুটি শিশুৰ মৃত্যু

হোজাইৰ উদালিত শুকুৰবাৰে সংঘটিত হয় এক হৃদয় বিদাৰক ঘটনা । পানীত পৰি মৃত্যু হয় দুটি শিশুৰ(Child death in Hojai) । বৰ্তমান নগাঁও ভোগেশ্বৰী ফুকননী অসামৰিক চিকিৎসালয়লৈ মৰণোত্তৰ পৰীক্ষাৰ বাবে প্ৰেৰণ কৰা হৈছে শিশু দুটাৰ মৃতদেহ ৷

হোজাই, 18 জুন :হোজাই জিলাৰ উদালিত শুকুৰবাৰে নিশা পানীত পৰি দুটি শিশুৱে কৰুণ মৃত্যুক আকোঁৱালি লয়(Child death in Hojai) ৷ নিহত শিশু দুটা ক্ৰমে লংকা উদালি কছাৰী গাঁৱৰ চুফিয়ান আলম(৯) আৰু জুনেইড আহমেদ (৫)বুলি জানিব পৰা গৈছে ।

শুকুৰবাৰে বিয়লি ৩ বজাৰ পৰা নিখোঁজ হৈ আছিল শিশু দুটি ৷ পৰিয়ালৰ লোকে বহু বিচাৰ খোচাৰ কৰাৰ পাছত নিশা ঘৰৰ সন্মুখৰ এটা পুখুৰীৰ পৰা উদ্ধাৰ কৰে শিশু দুটাৰ মৃতদেহ । নিশাই ঘটনাস্থলীত উদালী আৰক্ষী উপস্থিত হৈ মৃতদেহ দুটা উদ্ধাৰ কৰে ৷

আৰক্ষীয়ে শিশু দুটাৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে নগাঁৱৰ ভোগেশ্বৰী ফুকননী অসামৰিক চিকিৎসালয়লৈ প্ৰেৰণ কৰে(Bhogeswari Phukanani Civil Hospital) । মৃত জুনাইদ আলম নজৰুল হক আৰু চুফিয়ান আলম হানিফ আলিৰ পুত্ৰ বুলি জানিব পৰা হৈছে ৷

লগতে পঢ়ক :খাদ্যত বিষক্ৰিয়া হৈ দুটি সহোদৰৰ অকাল মৃত্যু