3 বজাৰ শীৰ্ষ 10 টা বাতৰি

3 বজাৰ শীৰ্ষ 10 টা বাতৰি

দুচকুত তৰা ভৰা আকাশৰ সপোন, বুকুত আশা আৰু মনত দুৰ্বাৰ হাবিয়াস লৈ সাংবাদিকতাৰ জগতখনত প্ৰৱেশ কৰা নিবেদিতা এতিয়া কাহিনীও পূৰণ নোহোৱা এটা সপোনত পৰিণত হ'ল । অকালতে নিঃশেষ হ'ল এগৰাকী যুৱ প্ৰতিভা । সকলোকে কন্দুৱাই পঞ্চভূতত বিলীন হ'ল নিবেদিতা সূৰজ (funeral rites of Nivedita Sooraj) ।

আৰক্ষী অধীক্ষক বৰুণ পুৰকায়স্থৰ নিৰ্দেশত তাৎক্ষণিকভাৱে নিলম্বন কৰা হয় বিষয়াগৰাকীক(Hojai SI Suspended for Abusing Journo) ৷ নিলম্বিত আৰক্ষী বিষয়াগৰাকীৰ বিৰুদ্ধে সাংবাদিকক দুৰ্ব্যৱহাৰ কৰাৰ অভিযোগত ৷

দেশৰ অভিজাত হোটেল ৰেডিছন ব্লু হোটেলৰ মালিকৰ মৃতদেহ উদ্ধাৰ দিল্লীত (Radisson Blu Hotel owner suicide) । গাজিয়াবাদত থকা বিলাসবহুল হোটেলখনৰ মালিক অমিত জৈনৰ চিপ লোৱা মৃতদেহ উদ্ধাৰ হৈছে নিজৰ ঘৰতে ।

আমগুৰিৰ নামতিত সংঘটিত বোৱাৰী নিৰ্যাতনৰ ঘটনা (Wife Tortured by Husband) । স্বামীগৃহত নিৰ্যাতনৰ অভিযোগ ভুক্তভোগী বোৱাৰীৰ ৷ যৌতুকৰ বিচাৰি শাহুৱেকে বোৱাৰীৰ দেহত গৰম তেল ঢালি জ্বলাই দিয়াৰ অপচেষ্টা ৷

দ্বিতীয় বৃন্দাবনলৈ পৰ্যবসিত হ'ল দক্ষিণ পাটগাঁওত অনুষ্ঠিত শ্ৰীকৃষ্ণৰ ৰাসমহোৎসৱ থলী(Raas festival at Raha) । দক্ষিণপাট গাঁৱৰ ৰাইজৰ উদ্যোগত অনুষ্ঠিত হোৱা শ্ৰী শ্ৰী কৃষ্ণৰ ৰাস মহোৎসৱত দৈৱকীৰ চৰিত্ৰ ৰূপায়ন কৰে জনপ্ৰিয় ধাৰাবাহিক বেহাৰবাৰী আউটপষ্টৰ তৰামাই খ্যাত সীমা বৰাই । শিল্পীগৰাকীৰ দৈৱকীৰ ভাওত অনবদ্য অভিনয়ে উপস্থিত দৰ্শকক মন্ত্ৰমুগ্ধ কৰি তোলে । দ্বিতীয় বৃন্দাবন সদৃশ পৰিৱেশত দক্ষিণ পাট গাঁৱৰ নামঘৰত স্থানীয় যুৱতী, কিশোৰী আৰু শিশু সকলে পৰিৱেশন কৰা শ্ৰীকৃষ্ণৰ ৰাস ক্ৰীড়া উপভোগ কৰি আপ্লুত হৈ পৰে উপস্থিত ৰাইজ ।

এইবাৰ বিদেশত নহয়, এইবাৰ অসম মুলকতে সংঘটিত হৈছে এক নাভূত-নাশ্ৰুত ঘটনা । গাৰ বৰণ ক’লা হোৱাৰ বাবেই মাৰপিট কৰি পত্নীক গুৰুতৰভাৱে আহত কৰাৰ অভিযোগ(Wife beaten up for dark body colour) । স্বামী, শহুৰ আৰু শাহুৰ বিৰুদ্ধে এই অভিযোগ উত্থাপন কৰিছে ভুক্তভোগী পত্নীৰ পৰিয়ালে ।

দেওবাৰে অনুষ্ঠিত হৈছে নিউজিলেণ্ড-ভাৰতৰ দ্বিতীয়খন টি-২০ মেচ (India New Zealand 2nd T20 match) । হাৰ্ডিক পাণ্ডিয়াৰ নেতৃত্বাধীন নিউজিলেণ্ড ভ্ৰমণৰত ভাৰতীয় টি-২০ দলটোৱে দ্বিতীয়খন মেচত টছত পৰাস্ত হৈ বেট ধৰিবলৈ নামিছে ।

পুনৰ ৰাষ্ট্ৰীয় পৰ্যায়ত অসমৰ নাম উজলালে এগৰাকী অসম কন্যাই । ৰাষ্ট্ৰীয় শক্তি উত্তোলনত আমগুৰি জৰাবাৰী গাঁৱৰ দৃষ্টিপৰ্ণা কলিতাই আজুৰি আনিলে স্বৰ্ণপদক(Drishtiparna Kalita wins gold medal in national power building) । দৃষ্টিপৰ্ণাৰ সাফল্যত উৎফুল্লিত গাঁওবাসী(Achievement of Drishtiparna Kalita) ।

কামপুৰত বালি গাড়ীৰ দৌৰাত্ম্য(Sand car menace in Kampur) । কামপুৰৰ লুটুমাৰীৰ খেৰণিত বালি গাড়ীৰ চেপাত নিহত হয় এটি শিশু(Child killed in road accident) । নিহত শিশুটিৰ নাম ৰমজান আলী । মাদ্ৰাছাৰ পৰা ঘৰলৈ আহি থকা সময়ত সংঘটিত হয় এই দুৰ্ঘটনা । দুৰ্ঘটনা সংঘটিত কৰাৰ মেজিকখনৰ নম্বৰ AS02CC7152 । দূৰ্ঘটনা সংঘটিত কৰাৰ পাছতেই ঘটনাস্থলীৰ পৰা পলায়ন কৰে চালকজনে । আনহাতে স্থানীয় ৰাইজৰ অভিযোগ নিতৌ এই পথেৰে অবৈধ ভাৱে পাৰ হৈ যায় শ শ বালিৰ গাড়ী । তথাপিও কাণষাৰ নাই বনবিভাগৰ ।

কংগ্ৰেছ পুনৰুদ্ধাৰৰ বাবে ৰাহুৰ গান্ধীয়ে ভাৰত জোড়ো যাত্ৰা আৰম্ভ কৰাৰ পাছতে প্ৰদেশ কংগ্ৰেছেও ধুবুৰীৰ পৰা আৰম্ভ কৰিলে ভাৰত জোড়ো যাত্ৰা(Bharat Jodo Yatra in Assam) । কংগ্ৰেছৰ এই প্ৰচেষ্টাক শাসক দলৰ বিজেপি নেতা-বিধায়ক আৰু মন্ত্ৰী সকলে তীব্ৰ সমালোচনা কৰা পৰিলক্ষিত হৈছে । কংগ্ৰেছৰ এই ভাৰত জোড়ো যাত্ৰাক বহুৱালি আখ্যা দিলে মৰাণৰ বিধায়ক চক্ৰধৰ গগৈয়ে (MLA Chakradhar Gogoi) । বিধায়কগৰাকীয়ে কংগ্ৰেছক সমালোচনা কৰিবলৈ গৈ কয়, কংগ্ৰেছে যিমানে চেষ্টা কৰিলেও সফল হ'ব নোৱাৰে ৷